«Dori-Darmon» Aksiyadorlik Kompaniyasi

Bizga ishonch bildirar yoshu-qari!

Kompaniya to'g'risida

 

AK "Dori-Darmon" - dinamik ravishda rivojlanib kelayotgan O'zbekiston farmatsevtika bozoridagi etakchi ulgurji-chakana savdo bilan shug’ullanuvchi korxona hisoblanadi. Kompaniyaning hududiy bo'linmalari mavjud bo'lib, ular tarkibida 8 ta aktsionerlik jamiyatlari va 10 ta ma’suliyati cheklangan ja’miyatlar, shu jumladan 17 ta omborlar, 233 dorixona va 1994 dorixona muassasalari filiallari, 15 ta tahliliy-analitik laboratoriyalari mavjud. Dorixona filiallarning 70 foizi qishloq vrachlik punktlarida, respublikaning tog'li va uzoq tumanlarida joylashgan. Uzoq qishloq va tog'li hudud aholisini dori-darmon vositalari bilan ta’minlash maqsadida Respublika hukumati ko'rsatmalariga asosan kompaniya tomonidan mahsus ISUZU va DAMAS izotermik furgonli ixtisoslashtirilgan avtomobillar yordamida ko’chma dorixona va dorixona filiallari tashkil etildi. Ko’chma dorixonalar aholiga sifatli dori-darmonlarni arzon narxlarda yetkazib berish uchun barcha kerakli vositalar bilan jihozlangan. Dori vositalarini saqlashda harorat rejimiga rioya qilish uchun muzlatgichlar va konditsionerlar mavjud. Kompaniya tarkibiga kiruvchi "Dori-Darmon Garant" MChJ shaxsiy bojxona omboriga ega bo’lib u erda bojxona rasmiylashtiruvi va  farmasevtika mahsulotlarini saqlash ta'minlanadi. Bundan tashqari, kompaniyada O'zbekistonda dori-darmon bozorini marketing tadqiqotlarini  olib borish, dori-darmon va tibbiyot buyumlarini ro'yxatdan o'tkazish bo'yicha xizmatlar ko'rsatishga ixtisoslashgan “Dori-Darmon Invest” MChJ mavjud. AK "Dori-Darmon tarkibida respublika aholisiga sog'liqni saqlash va mulkni sug'urtalash bo'yicha xizmatlarni taqdim etuvchi "DD Inshurance" MChJ sug'urta kompaniyasi tashkil etilgan. Kompaniya ijtimoiy ahamiyatga molik dorilar va tibbiy mahsulotlarning asosiy assortimenti bo'lgan ijtimoiy dorixonalarning keng tarmog'ini tashkil etishga katta e'tibor beradi. Bugungi kunda AK “Dori-Darmon” va uning hududiy bo'linmalari tomonidan 2222 ta ijtimoiy dorixona tashkil etilgan bo'lib, ularning aksariyati chekka hududlardagi  qishloq oilaviy poliklinikalari va qishloq vrachlik punktlarida joylashgan. Toshkent shahridagi oilaviy poliklinika va ko’p tarmoqli poliklinikalarda joylashgan 45 ta ijtimoiy dorixona ham mavjud. "Dori-Darmon" aktsiyadorlik kompaniyasi bir necha yillar davomida Sog'liqni Saqlash Vazirligining tibbiy muassasalarini maqsadli byudjet mablag'lari hisobiga ijtimoiy ahamiyatga ega kasalliklarni davolash uchun tibbiy dori-darmon vositalari bilan ta'minlash bo'yicha davlat dasturlarini amalga oshirib kelmoqda.

AK “Dori-Darmon" dorixona tarmoqlari imtiyozli bemorlarga  dori-darmon vositalari va tibbiy buyumlarini bepul tarqatadi. 13 ta kasallik ro'yxati va ambulatoriya sharoitidagi bepul tibbiy yordam ko'rsatuvchi shaxslar ro'yxati O'zbekiston Respublikasi Vazirlar Mahkamasining 2013 yil 22 iyuldagi 204-sonli qarori bilan tasdiqlangan. Hozirgi kunda kompaniya dorixonalari yangi xizmat ko'rsatish formatini joriy qilmoqda, mijozlarga xizmat ko'rsatish madaniyatiga katta e'tibor qaratilmoqda, farmatsevtlar malakasini oshirish bo'yicha ishlar olib borilmoqda. Toshkent shahri aholisi, jumladan, imtiyozli bemorlarga xizmat ko'rsatishni yaxshilash maqsadida Toshkent shahridagi 100 ta dorixonada dori-darmon va tibbiy mahsulotlarning mavjudligi to'g'risida batafsil ma'lumot beruvchi AK “Dori-Darmon” tarmog'ining "1002" ma'lumot  xizmati tashkil etilgan. AK "Dori-Darmon" da yoshlarni tarbiyalash masalalariga katta e'tibor qaratilmoqda. Ma'lumki, joriy yilning 30 iyun kuni O'zbekiston Yoshlar ittifoqining birinchi yigilishi bo'lib o'tdi. AK "Dori-Darmon" da ham yoshlar tashkilotining yig'ilishi bo'lib o'tdi, unda yosh mutaxassislar farmatsevtika sohasidagi yigit-qizlarning salohiyatini oshirishga qaratilgan qator loyihalarni muhokama qildilar.

Ayniqsa, sog'lom turmush tarzi, qizlarning huquq va manfaatlari, axborot texnologiyalarini keng qo'llash, yoshlar qobiliyatini shakllantirish va yigit hamda qizlarning samarali, ilmiy va ijodiy sohalarda o’zlarini namoyon qilishlari uchun  fikr va takliflar  bildirildi. Yoshlarimiz kompaniya rivojlanishida va farovonligida faol ishtirok etib, dorixonalar faoliyatini takomillashtirishda o’z fikr va mulohazalarini bildirishmoqda. AK “Dori-Darmon” uzoq yillar mobaynida professional va barqaror faoliyat yuritib, hayotiy muhim dori-darmonlarning doimiy mavjudligini ta’minlab, hamkorlikni kengaytirish va aholiga yangi dori vositalarini taqdim qilish imkoniyati tufayli O'zbekiston farmatsevtika bozorida etakchi o’rinni egallab kelmoqda. Keng kompyuter tarmog'i tizimidan foydalanish orqali tezkor axborot ma’lumotlariga ega bo’lish, mahsulotlarni faol qabul qilish, saqlash va aholiga etkazib berish jarayonlarini optimallashtirish, mahsulotni etkazib berish, qabul qilish va sotish bilan bog'liq bo'lgan omborlar va bo'limlar faoliyatini muvofiqlashtirish ta’minlanadi.

AK "Dori-Darmon" O'zbekiston bozoriga farmatsevtika mahsulotlarini etkazib beruvchi yetakchi kompaniya bo’lishi bilan birga, shuningdek hamjihat  fikrlaydigan katta bir jamoaga ega. AK “Dori-Darmon” va uning hududiy bo'linmalarida faoliyat yurituvchi xodimlar yuqori malakali mutaxassislar bo’lib, ular o’z kasblarining mohir ustalari hisoblanadi.  Farmasevtika mutaxassislarining ko'pchiligi malakaviy toifalarga ega, kompaniya doimiy ravishda kadrlar malakasini oshirib boradi. Respublika aholisini hamda tibbiy-profilaktika muassasalarini dori vositalari bilan ta'minlash bilan bir qatorda, AK “Dori-Darmon” dorixona muassasalarida dori shakllarini ishlab chiqarish uchun normativ-texnik hujjatlarni ishlab chiqishda, dorixona sharoitida tayyorlanadigan dori-darmonlarning doimiy sifatini nazorat qiladi. AK "Dori-Darmon" O'zbekiston farmatsevtika bozorida faoliyat yurituvchi yirik kompaniyalardan biri bo'lib, Yevropa va AQSh kabi davlatlarning dunyo farmasevtika sanoatining etakchi kompaniyalari bilan shartnomalar asosida ishlaydi. Zamon bilan hamnafas bo’lish maqsadida aktsiyadorlik kompaniyasi mamlakatning yetakchi jurnalistlari bilan faol hamkorlik qilmoqda. AK «Dori-Darmon» da bo’layotgan yangiliklar va o'zgarishlar haqida ma’lumotlarni yoritib berishda muntazam ravishda matbuot klublari uchrashuvlari o'tkaziladi. Aynan shu maqsadda yaqin kelajakda AK “Dori-Darmon” shaxsiy nashriyot xizmatini tashkil qilishni rejalashtirilgan.

 

5999
Matnda xatolikni ko‘rsangiz, uni belgilab Ctrl+Enter ni bosing.