Sayt uchun axborot

Ўзбекистон Республикаси Президентининг 2020 йил 29 июндаги                6013-сонли Фармони 2-банди ва Ўзбекистон Республикаси Президентининг             2021 йил 6 июлдаги 5177-сонли Қарорининг 3-банди ижролари бўйича “Дори-Дармон” акциядорлик компанияси акциядорларининг умумий йиғилишида Компания ижроия органи ташкилий тузилмасида бошқарув раисига тўғридан-тўғри бўйсунадиган “Комплаенс-назорат” хизмати фаолиятини ташкил этиш юзасидан қарор қабул қилинган ва Компанияда “Комплаенс назорат” хизмати ташкил этилиб, хизмат ўз фаолиятини олиб бормоқда.

Ўзбекистон Республикаси Коорупцияга қарши курашиш агентлигининг 2021 йил 6 сентябридаги “Коррупцияга қарши ички назорат тузилмалари фаолияти тўғрисидаги намунавий низомни тасдиқлаш тўғрисида”ги 27-сонли буйруғига асосан Компания бошқарув раисининг 2021 йил 5 октябрдаги буйруғи билан “Комплаенс назорат хизмати тўғрисида”ги Низом тасдиқланган.

Шунингдек, коорупцияга қарши ички назорат тузилмаларига кўмак бериш мақсадида Коорупцияга қарши курашиш агентлиги томонидан ташкилотларда коррупцияга қарши ички назорат тизими фаолиятида фойланиш учун 10 та тавсиявий ҳужжатлар тўпламлари Компаниянинг вазифа ва функцияларига мосланган ҳолда низом, йўриқнома ва услубий қўлланмалар ишлаб чиқилиб, компаниянинг марказий маҳкамаси ва тизимидаги барча корхоналарга ижросини таъминлаш учун етказилган.

Компаниянинг “Комплаенс назорат” хизмати томонидан компаниянинг коррупцияга қарши курашиш бўйича фаолиятини такомиллаштириш, коррупцияга оид ҳуқуқбузарликларни профилактика қилиш ва уларга қарши курашиш, коррупцияга қарши курашиш тизимининг самарали ишлашини таъминлаш ва назорат қилиш, коррупцияга қарши курашиш бўйича фаолиятни амалга оширувчи ҳамда унда иштирок этувчи бошқа давлат органлари ва ташкилотлари билан ҳамкорлик қилиш борасида ишлар олиб борилмоқда.

“Дори-Дармон” АКнинг

Комплаенс-назорат хизмати бошлиғи                               Ж.Ч.Қаюмов