Мурожаатлар сони  12 325 тага етди

Жорий йил 18 январь 14:00 ҳолатига кўра, тиббиёт соҳасида ўтказилиши режалаштирилаётган “Очиқ мулоқот” доирасида “Сall-марказ”га 12 325 та мурожаат келиб тушди.

Ушбу мурожаатларнинг 7039 таси тиббиёт ходимларидан,  5286 таси фуқаролардан йўлланган. Уларнинг 5729 таси соғлиқни сақлаш тизимини ривожлантиришга қаратилган таклифлардан иборат. 3182 тасида соғлиқни сақлаш тизимига эътироз билдирилган бўлса, 3414 тасида  индивидул масалалар кўтарилган.

Йўналишлар бўйича таҳлил қилинганда, мурожаатларнинг: 
- 4566 таси бирламчи тиббий ёрдамга,
- 722 таси ихтисослаштирилган марказлар фаолияти
- 364 таси тез тиббий ёрдам хизматига
- 117 таси фармацевтикага оид. 

Масъулларнинг сўзларига кўра, фуқаролардан келиб тушган мурожаатлар Соғлиқни сақлаш вазирлиги мурожаатлар билан ишлаш бошқармасига мунтазам равишда юборилмоқда ва ижороси таъминланмоқда.