Sayt test rejimda ishlamoqda!

dori
phone

Ishonch telefonlari

(+99878) 120-16-61

Du-Pa, 9:00-18:00; Ju, 09:00-17:00

phone

Umumiy savollar bo'yicha

(+99878) 120-16-89

Du-Pa, 9:00-18:00; Ju, 09:00-17:00

phone

Qo'ng'iroqlar markazi

1002

Har kuni, tunukun


Ru  Oz En 
flag gerb

Жондек азиз Ватан байроғи!

Жондек азиз Ватан байроғи!

 

IMG_9296.JPG


Давлат рамзлари ҳар доим улуғ ва муқаддас саналади. Чунки уларда халқимизнинг ўтмиши, бугуни ва келажаги акс эттирилган. Улардан бири давлат байроғи – давлат суверенитетининг рамзи ҳисобланиб, ўзида миллий-маданий анъаналаримизни мужассамлаштиради.


“Дори-Дармон” АКда шон-шарафимиз тимсоли қабул қилинганининг 31 йиллиги муносабати билан “Муқаддасдир Ватан байроғи” шиори остида давра суҳбати ташкил этилди. Ушбу тадбирда Адлия вазирлиги қошидаги “Адолат” миллий ҳуқуқий ахборот маркази бош маслаҳатчиси Гулниҳол Умарова иштирок этди. У мустақиллик тимсоли бўлган байроғимизнинг моҳияти, байроққа ҳурматсизлик қонунларда белгиланган тартибда жазоланиши борасида сўз юритди.


— Ҳар бир жараён, воқеа-ҳодисанинг рўй бериши ва юзага келиши маълум бир босқичлар асносида кечади, — деди Г. Умарова. — Хусусан, миллий ғуруримиз рамзи — байроғимиз яратилиши ва қабул қилинишининг ҳам ўзига хос тарихи бор, албатта. Энг муҳими, қизғин баҳс-мунозаралар, ниҳоятда кенг қамровли фикр-мулоҳазалар асносида кечган ҳар бир лаҳзалар тарих саҳифаларида муҳрланган. Жондек азиз байроғимизни қадрлаш, она Ватан каби эъзозлаш нафақат бурч, балки шарафдир. Меъёрий-ҳуқуқий ҳужжатларда ҳам байроғимизнинг ўрни, аҳамияти, уни ўрнатиш тартиб-қоидалари алоҳида белгилаб берилган.


Давлатимиз байроғи халқаро майдонларда, жумладан, Ўзбекистон Республикаси расмий делегацияларининг хорижий мамлакатларга сафарлари чоғида, халқаро ташкилотларда, конференцияларда, жаҳон кўргазмаларида, спорт мусобақаларида юртимиз тимсоли сифатида мағрур ҳилпирамоқда.


Давра суҳбатида ҳурлик тимсоли, тинчлик рамзи бўлган байроғимизнинг қадр-қиммати ва аҳамияти ҳақида батафсил маълумот берилди. Тадбир якунида иштирокчилар ўзларини қизиқтирган саволларга жавоблар олди.


IMG_9300.JPG


Jondek aziz Vatan bayrogʼi!


Davlat ramzlari har doim ulugʼ va muqaddas sanaladi. Chunki ularda xalqimizning oʼtmishi, buguni va kelajagi aks ettirilgan. Ulardan biri davlat bayrogʼi – davlat suverenitetining ramzi hisoblanib, oʼzida milliy-madaniy anʼanalarimizni mujassamlashtiradi.

“Dori-Darmon” АKda shon-sharafimiz timsoli qabul qilinganining 31 yilligi munosabati bilan “Muqaddasdir Vatan bayrogʼi” shiori ostida davra suhbati tashkil etildi. Ushbu tadbirda Аdliya vazirligi qoshidagi “Аdolat” milliy huquqiy axborot markazi bosh maslahatchisi Gulnihol Umarova ishtirok etdi. U mustaqillik timsoli boʼlgan bayrogʼimizning mohiyati, bayroqqa hurmatsizlik qonunlarda belgilangan tartibda jazolanishi borasida soʼz yuritdi.


— Har bir jarayon, voqea-hodisaning roʼy berishi va yuzaga kelishi maʼlum bir bosqichlar asnosida kechadi, — dedi G. Umarova. — Xususan, milliy gʼururimiz ramzi — bayrogʼimiz yaratilishi va qabul qilinishining ham oʼziga xos tarixi bor, albatta. Eng muhimi, qizgʼin bahs-munozaralar, nihoyatda keng qamrovli fikr-mulohazalar asnosida kechgan har bir lahzalar tarix sahifalarida muhrlangan. Jondek aziz bayrogʼimizni qadrlash, ona Vatan kabi eʼzozlash nafaqat burch, balki sharafdir. Meʼyoriy-huquqiy hujjatlarda ham bayrogʼimizning oʼrni, ahamiyati, uni oʼrnatish tartib-qoidalari alohida belgilab berilgan.


Davlatimiz bayrogʼi xalqaro maydonlarda, jumladan, Oʼzbekiston Respublikasi rasmiy delegatsiyalarining xorijiy mamlakatlarga safarlari chogʼida, xalqaro tashkilotlarda, konferensiyalarda, jahon koʼrgazmalarida, sport musobaqalarida yurtimiz timsoli sifatida magʼrur hilpiramoqda.


Davra suhbatida hurlik timsoli, tinchlik ramzi boʼlgan bayrogʼimizning qadr-qimmati va ahamiyati haqida batafsil maʼlumot berildi. Tadbir yakunida ishtirokchilar oʼzlarini qiziqtirgan savollarga javoblar oldi.



  • 18.11.2022
  • 113

Hukumat resurlari

flag2

QONUN HUJJATLARI MA'LUMOTLARI MILLIY BAZASI

flag2

5 USTUVOR YO'NALISHI BO'YICHA HARAKATLAR STRATEGIYASI

flag2

O'zbekiston Respublikasi ochiq ma'lumotlar portali

flag2

Elektron hukumat loyihalarini boshqarish markazi

flag2

O'zbekiston Respublikasining hukumat portali

flag2

O'zbekiston Respublikasi Prezidentining virtual qabulxonasi

prev
next
dorivector