Тадқиқотчиларнинг айтишича, ярим аср деганда биринчи марта астма хуружларини даволашнинг янги усули топилди.

Бенрализумаб препаратининг клиник синовлари шуни кўрсатдики, у касалликнинг оғир шакллари бўлган одамларда нафас олиш муаммоларини даволашда анъанавий стероид таблеткаларига қараганда анча самарали.

Унинг таркибидаги моноклонал антителалар, айниқса, эозинофил астма бўлган одамларнинг ўпкасига кириб, ҳаво йўлларининг шишиши ва ёпилишига олиб келадиган оқ қон ҳужайраларининг бир тури- эозинофилларга қаратилган.

Aстманинг ушбу шакли касаллик хуружларини ярмини ташкил қилади. Худди шу биологик механизм сурункали обструктив ўпка касаллигининг барча оғир хуружларининг учдан бир қисмини ташкил қилади.

Aммо Лондон Қироллик коллежи тадқиқотчилари астма ёки сурункали обструктив ўпка касаллиги бўлган беморлар хуруж пайтида препаратни инъекция қилганларидан тўрт ҳафта ўтгач, хириллаш, нафас қисилиши ва бошқа аломатлардан камроқ азоб чекишини аниқлади.

Aгар бундай ҳужумни - нафас олиш қийинлишуви, хириллаш, йўтал ва кўкрак қафасидаги сиқилиш - оддий ингаляторлар билан назорат қилиш имкони бўлмаса, шифокорлар энди стероидлар курсини белгилайдилар.

Сўнгги тадқиқотлар Бенрализумабни фақатгина энг оғир ҳолатларда эмас, балки уни мунтазам равишда ишлатиш мумкинлигини кўрсатди.

Олимлар барча астма ёки сурункали обструктив ўпка касаллиги хуружлари бир хил эмаслигини тушунишди. Беморларда иммунитет тизимининг турли қисмлари турлича жавоб беради.

"Биз яллиғланишнинг турли шакллари мавжудлигини кўрдик ва керакли вақтда беморга тўғри даволанишни буюришимиз мумкин" - дейди Қироллик коллежи профессори Мона Бафадхель.

158 киши иштирок этган тадқиқотда, беморлар препарат билан даволанишгач уч ой давомида кузатилган. The Lancet Respiratory Medicine журналида чоп этилган натижалар шуни кўрсатдики даволаш муваффақиятсизлиги даражаси стероидлар билан 74% ни ва янги терапия билан 45% ни ташкил қилади. Янги терапияни олган одамларда касалхонага ётқизиш, такрорий даволанишни олиш ва ўлиш эҳтимоли камроқ бўлган.

Кўнгиллилар, шунингдек, янги дори-дармонларни қабул қилгандан кейин симптомлар ва ҳаёт сифати яхшилангани ҳақида хабар беришди.

"Биз 50 йил давомида даволанишни ўзгартирмадик - бу препарат даволанишга бўлган ёндашувни ўзгартиради", дейди профессор Бафадхель.