Gel, malham yoki krem - bir-biridan nima bilan farq qiladi?⠀
Tashqi foydalanish uchun har qanday dori (losyonlar, spreylar, emulsiyalar, pastalar, moylar, kremlar, malhamlar) faol moddadan va ushbu preparatning "shaklini" tashkil etuvchi asosdan iborat.⠀
Malham - eng ko'p miqdorda yog'ni o'z ichiga olgan shakl. Bu faol moddaning chuqur kirib borishi bilan ajralib turadi. Terida quruq toshmalarni davolash uchun tavsiya etiladi."Bint ostida" malhamlardan foydalanish faol moddaning kirib borish chuqurligini yanada oshiradi. Malhamlarning yog'li tarkibiy qismlari teriga singib ketmasligi sababli ular kiyimni kir qilib qo`yishi mumkin. Namlanayotgan teri toshmasi uchun malhamlarni qo'llamang.
Gel - tarkibida moylar va yog'lar mavjud emas, va uning PH ko'rsatkichlari terining ko`rsatkichlariga yaqin. U teriga osongina tarqaladi, tez so'riladi, terining po`ralarini yopib qo`ymaydi. Gel malhamdan ko'ra tezroq so'riladi. Shoshilinch ravishda og`riqni qoldirish kerak bo`lsa, masalan bo'g'imda, u tezroq yordam beradi. Agar siz uzoqroq analgetik ta'sirni ta'minlashingiz va yallig'lanishni yengillashtirishingiz kerak bo`lsa, unda malhamni qo`llash afzalroqdir. Gel ko`rinishidagi dorilar namlanayotgan teriga qo`llash mumkin. ⠀⠀
Krem - asosi yog'lar va suvdan iborat bo`ladi. U teriga yaxshi so'riladi, qo'llashdan keyin bir necha daqiqadan so'ng u kiyimni kir qilib qo'ymaydi, yuz terisida qobiq bo`lib turmaydi. Faol moddaning singish chuqurligi malhamdan kamroq. U o'tkir yallig'lanish reaktsiyalarida tavsiya qilinadi, o'rtacha namlanayotgan yuzalarga qo'llanilishi mumkin.⠀
Losyon / Emulsiya – krem, malham va gellarga nisbatan ancha suyuq shaklda bo`ladi. Uning tarkibi asosida spirtlar va suv mavjud. Ko`pincha u bosh terisini davolash uchun ishlatiladi (chunki u sochni yog`lantirib qo`ymaydi). Mayinligi, tez so'rilishi, salqinlik tuyg'usini beruvchi losyon nozik va yog'li teriga ishlatish uchun afzalroqdir. U po`ralarni yopmaydi va niqob effektini yaratmaydi.
