Bosh prokuratura huzuridagi Departamentning Yangihayot tuman boʼlimi tomonidan IIBB xodimlari bilan hamkorlikda oʼtkazilgan tezkor tadbirda, fuqaro M.А. va boshqalar Chilonzor tumani, “Besh chinor” MFY hududida jami 826 dona “Regapen” nomli kuchli taʼsir qiluvchi dori vositasini fuqaro А.А.ga 28,9 mln soʼmga sotgan vaqtida ashyoviy dalillar bilan ushlangan.

Departament hamda DXXning Xoʼjaobod tumani boʼlimlari tomonidan IIB xodimlari hamkorlikda oʼtkazilgan tezkor tadbirda, fuqaro J.K. “Yangi-Fargʼona” MFY hududidagi “Doʼstlik” nazorat postida 560 dona “Regapen” nomli kuchli taʼsir qiluvchi dori vositalarini oʼtkazish maqsadida olib kelayotganlini aniqlanib, ashyoviy dalil sifati olingan.

Departamentning Mirzo Ulugʼbek tuman boʼlimi tomonidan DXX va IIV xodimlari bilan hamkorlikda oʼtkazilgan tezkor tadbirda, fuqaro I.I. Sergeli tumani, Yangi Qoʼyliq koʼchasida jami 182 dona “Regapen” nomli kuchli taʼsir qiluvchi dori vositasini fuqaro X.S.ga 100 АQSh dollari va 2,9 mln soʼmga sotgan vaqtida ushlanib, uning avtomobili va yashash xonadonidan 364 dona “Regapen” nomli dori vositasi ashyoviy dalil sifati olingan.

Mazkur holatlar yuzasidan Jinoyat kodeksining 251-1-moddasi (kuchli taʼsir qiluvchi yoki zaharli moddalarni qonunga xilof ravishda muomalaga kiritish) bilan jinoyat ishlari qoʼzgʼatilib, tergov harakatlari oʼtkazilmoqda.