Oʼzbekiston yangi global platforma doirasida bolalar saratoniga qarshi dori vositalarini oladi
Oʼzbekiston yangi global platforma doirasida bolalar saratoniga qarshi dori vositalarini oladigan birinchi olti davlatdan biriga aylanadi, deb xabar berdi Jahon sogʼliqni saqlash tashkilotining (JSST) Toshkentdagi vakolatxonasi.
12–13 aprelь kunlari АQShning Memfis shahrida saraton kasalligiga chalingan bolalarni dori-darmon bilan taʼminlash boʼyicha global platformani ishga tushirishga tayyorgarlik koʼrish masalasiga bagʼishlangan forum boʼlib oʼtdi va unda Oʼzbekiston Sogʼliqni saqlash vazirligi delegatsiyasi ham ishtirok etdi.
Dori vositalari bilan taʼminlash boʼyicha global platforma 2027 yilgacha 50 ta past va oʼrta daromadli mamlakatlarda taxminan 120 000 bolani moliyaviy qiyinchiliklarsiz saratonga qarshi, xavfsiz, samarali va sifatli dori-darmonlar bilan taʼminlashga yordam berishga qaratilgan.
Forum dori vositalarini muvaffaqiyatli yetkazib berish va platformani ishga tushirishga tayyorgarlik koʼrishda yetakchilik va yondashuv tamoyillarini aniqlash boʼyicha birgalikda ish olib borish uchun turli mamlakatlardan, bolalarda uchraydigan saraton kasalliklarini davolash uchun dori vositalaridan foydalanish imkoniyati masalasiga jalb qilingan tashkilotlar va keng ekspertlar doirasidan iborat hamkorlarni birlashtirdi.
Forum bolalarda uchraydigan saraton kasalliklariga qarshi dori vositalaridan foydalanish bilan bogʼliq ehtiyojlarni qondirish uchun ilgʼor tajriba va strategiyalar almashinuviga yordam berdi. Bu ishtirokchilarga platforma jarayonlarini, uning tajriba bosqichida va undan keyingi davrda amalga oshirilishini optimallashtirish uchun birgalikda ishlab chiqish imkonini beradi.
Bugungi kunga kelib, platformada ushbu bosqichda taqdim etiladigan dori vositalarining toʼliq roʼyxati belgilandi. Dunyoning olti davlati, jumladan, Oʼzbekiston birinchi bosqichda bolalar saratoniga qarshi asosiy dori vositalarini oladi. Ushbu dori-darmonlar topshirilishi platformaning 2023 yil sentyabrь oyida (shartli ravishda) rasmiy ishga tushirilishiga toʼgʼri keladi.
Oʼzbekiston bolalar saratoni boʼyicha global tashabbus boʼyicha birgalikda ish olib borish va Jahon sogʼliqni saqlash tashkiloti bilan yaqin hamkorlikda, shuningdek, mamlakat siyosiy rahbariyati tomonidan bolalar saratoniga qarshi kurashga eʼtibor qaratilishida muvaffaqiyatlarini namoyish etgan dastlabki olti davlatdan biri sifatida tanlangan.
