Инсон танаси тиббиёт мутахассисларини ҳайратда қолдиришда давом этмоқда, чунки улар ноодатий касалликларга дуч келишади. Ҳамма ҳолатларни ҳам тушунтириб бўлмасада аммо, уларнинг аксариятида шифокорлар ғайритабиий ҳолатларнинг манбасини аниқлашга муваффақ бўлишган.

Эркак юрагидаги семент

56 ёшли эркакнинг юрагига 10 сантиметрлик цемент бўлаги тиқилиб қолган. Цемент жарроҳликдан сўнг қон томирлари орқали у ерга етиб келган. Бемор кўкрак қафасидаги оғриқ ва нафас олиш бузилиши шикоятлари билан реанимация бўлимига ётқизилган. Текширувлар юракда бегона жисм мавжудлигини тасдиқлаган. Операция давомида шифокорлар цемент юракнинг пастки ўнг камерасини ёриб, ўпкага зарар етказганини аниқлашади. Маълум бўлишича, бегона материал беморнинг танасига умуртқа поғонаси синишини даволаш учун ўтказилган муолажа вақтида кириб келган. Цемент олиб ташланганидан бир ой ўтгач, бемор тузалиб кетган.

Талаба ўз қорачиқларининг ҳажмини назорат қила олади

Кўпчилик кўз қорачиқлари нима қилаётгани ҳақида ўйламайди, чунки улар одатда ёруғликка автоматик равишда жавоб беради: улар ёруғлик оқимини ошириш учун қоронғида кенгаяди ва уни камайтириш учун ёрқин нурда қисқаради. Бироқ, германиялик 23 ёшли талаба кўз қорачиқларининг ҳажмини онгли равишда ўзгартириш мумкинлигини кашф этди. У шифокорлар билан пиктограммаларни кескинлик билан торайтириши ва уларни дам олиш орқали кенгайтириши мумкинлигини айтди. Унинг сўзларига кўра, у бу маҳоратга махсус машқлар орқали эришган.

Кечиктирилган аксиришнинг жиддий оқибати

Эркакнинг бўйин рентгенограммасида бўйин териси остида ҳавога тўлиб қолган бўшлиқ борлиги аниқланган.
Ўттиз ёшли йигит машинани бошқараётганда аксириш истаги пайдо бўлди. У бурнини ушлаб, оғзини ёпганча аксиради ва дарҳол бўйнида ўткир оғриқни ҳис қилади. Касалхонага бориб, комьпютер томографиясини ўтказгандан сўнг, трахеяда 0,6 см бўшлиқ борлигини билади. Шифокорлар унинг умумий аҳволи барқарор бўлгани учун жарроҳлик амалиётини ўтказмасликка қарор қилишган, бироқ беморни кузатишда давом этган. Беш ҳафта ўтгач, кузатув текшируви трахея тикланганлигини кўрсатади. BMJ Case Reports шифокорлари гуруҳи зарарнинг эҳтимолий сабаби аксириш пайтида трахеяда босимнинг кескин ошиши эканлигини таъкидлади ва бу тарзда аксиришни ушлаб турмасликни тавсия этишди.

Ўлимга олиб келадиган уйқусизлик

Бемор ҳалокатли оилавий уйқусизлик синдромидан (FFI) азият чекиб, кечаси атиги икки-уч соат ухлаб қолади, шу усабаб у кун давомида ўзини заиф ҳис қилади. FFI ирсий ҳолат бўлиб, уни самарали даволаш мумкин эмас. Ҳужайралар мияда тўпланиб, мия шикастланишига олиб келадиган ғайритабиий оқсилларни ишлаб чиқарганда пайдо бўлади. FFI нинг асосий белгилари уйқусизлик, ҳаракатнинг бузилиши ва гормонал ўзгаришларни ўз ичига олади.

57 ёшида одам бу турмуш тарзидан шунчалик чарчаганки, унда хотира билан боғлиқ муаммолар ҳам ортиб борган. Шундан сўнг касалхонага ётқизилган, бироқ бир неча ойдан кейин вафот этган.

"Озиқ-овқатдан бошқа ҳамма нарсани" ейдиган қизча

Тиббий ҳисоботда уч йил давомида қорин оғриғи, шунингдек, тишлар шикастланишидан шикоят қилган 7 ёшли қизнинг ҳолати баён этилади. Маълум бўлишича, қиз ота-онасининг огоҳлантиришига қарамай, беш йил давомида ғишт бўлакларини еб келган. Гарчи болалар ҳамма нарсани татиб кўрадиган даврни бошдан кечиришсада, ноозиқ-овқат маҳсулотларини мунтазам истеъмол қилиш ташвишлидир.
Касаллик пика деб аталади ва темир танқислиги ёки қўрғошин таъсиридан келиб чиқиши мумкин. Қиз темир, рух ва калций қўшимчаларини олишни бошлади ва олти ойдан кейин у бу одатидан воз кечди.

Доимий ҳиқичоқлар

Ҳиқичоқ одатда аралашувсиз ўтиб кетса ҳам, ҳар доим ҳам шундай бўлмас экан. 22 ёшли эркак икки йил давомида ҳиқичоқдан азоб чекаётганини айтиб шикоят қилади. Олдин олган тиббий муолажалар ёрдам бермай қўйганини айтади. Сурункали ҳиқичоқ туфайли у ишидан айрилиб, ижтимоий ҳаёти пастга тушиб кетади. Шунингдек, у қорин оғриғини бошдан кечира бошлайди ва камқонликдан азият чекади.
Охир-оқибат, эркак гастроэзофагиал рефлюксияни даволаш учун операцияга рози бўлади, бу унинг ҳиқичоқларига сабаб бўлган деб ҳисобланган ва ҳатто процедура давомида у ҳиқичоқни давом эттирган. Жарроҳликдан кейин ҳиқичоқ частотаси камайган бўлса-да, тўлиқ тикланиш содир бўлмаган. Кўпинча сурункали ҳиқичоқнинг аниқ сабабини аниқлаш қийин, аммо баъзи мумкин бўлган омилларга гастроэзофагиал рефлюкс касаллиги ва буйрак усти бези етишмовчилиги киради.

Тўқ кўк қон

Шифокорлар аёлдан қон олганда қоннинг ранги кўк эканлигини аниқлади. Род-Aйлендда (АҚШ) яшовчи 25 ёшли аёл тиш оғриғига чидолмай оғриқ қолдирувчи воситаларни кўп суради. Эртаси куни у ҳолсизлик ва нафас қисилиши билан шикоят қилиб тез ёрдам бўлимига боради. Бу вақтга келиб уни терисининг ранги ҳам ўзгаради.

Қон таҳлили қон ранги қизил эмас, тўқ кўк эканлигини кўрсатди. Хабарда айтилишича, аёлга метгемоглобинемия ташхиси қўйилган, бу ҳолат гемоглобиннинг кислородни олиб ўта олмайдиган шакли бўлган метгемоглобин даражасининг ошиши билан боғлиқ. Бу ҳолат ирсий бўлиши мумкин ёки баъзи дорилар, шу жумладан анестезиклар туфайли юзага келиши мумкин. Тезда аёлни даволашга киришишади, оғиз орқали метилен кўк эритмаси юборилади, бу унинг нафас олишини яхшилайди ва терини нормал рангга қайтаради. Дори воситаси унинг қонидаги темирнинг нормал шаклини тиклайди ва у тўлиқ тузалиб кетади.