25-sentyabr – Butunjahon farmatsevtlar kuni!

Butunjahon farmatsevtlar kuni bu yil - “Farmatsevtlar: Global salomatlik ehtiyojlarini qondirish” shiori ostida nishonlanadi.

Butunjahon farmatsevtlar federatsiyasi tomonidan 2009-yildan buyon nishonlanib kelinayotgan mazkur bayramning maqsadi farmatsevtlarning sog‘liqni saqlash va yaxshilashdagi muhim rolini ta’kidlash va ularning kasbiy rivojlanishiga e’tiborni jalb qilishdan iboratdir.

"Dori-Darmon" aksiyadorlik kompaniyasi soha rivojiga munosib hissa qo‘shayotgan barcha farmatsevtlarni kasb bayrami bilan tabriklaydi. Xonadoningizga fayzu baraka, tinchlik va xotirjamlik, el salomatligini ta’minlashdek fidokorona ishlaringizda ulkan zafarlar tilaymiz. Doimo baxt va omad yor bo‘lsin!