Pensilvaniya universiteti olimlari tizzadagi tog`ay to‘qimalari va bo‘g‘imlar regeneratsiyasi sohasida muhim kashfiyot qilib, hujayralar migratsiyasini yengillashtiruvchi yangi gidrogelni ishlab chiqishdi. Tadqiqot natijalari Nature Communications jurnalida chop etilgan.

Gidrogel gialuron kislota va jelatindan iborat bo‘lib, ular bo‘g‘imlar va biriktiruvchi to‘qimaning tabiiy komponentlari hisoblanadi. Ushbu moddalarning kombinatsiyasi materialga butun hajmi bo‘ylab hujayralarga ikkita nuqta o‘rtasida harakatlanishning ko‘plab turli usullarini taqdim etadigan murakkab tarmoq hosil bo‘ladi.

Gidrogel biologik to‘qima namunalarida va tajribalarda hayvon modellarida sinovdan o‘tkazildi, va material hujayralar harakatini sezilarli darajada tezlashtirdi. Hujayralar migratsiyasi ko‘plab biologik jarayonlar, jumladan, to‘qimalarning rivojlanishi, yaralarning bitishi va regeneratsiyasi uchun zarur bo‘lganligi sababli, gidrogel tog`aylar va boylamlar kabi to‘qimalarning tiklanishini sezilarli darajada tezlashtirishi mumkin.

Nazariy jihatdan gidrogeldan kasalliklarni o‘rganishda ham foydalanish mumkin. Masalan, undan saraton hujayralari qanday harakatlanishini yaxshiroq tushunish uchun platforma sifatida foydalanish mumkin. Saraton hujayralari harakatining buzilishi metastazlanishni sekinlashtira olishi mumkin.