08:50 (12.03.2025)
81
CDC vaksinatsiyaning autizm xavfiga ta’sirini o‘rganishni rejalashtirmoqda
AQSH Kasalliklarni nazorat qilish va oldini olish markazi (CDC) emlash va autizm o‘rtasidagi ehtimoliy bog‘liqlikni o‘rganish bo‘yicha keng ko‘lamli tadqiqot o‘tkazishni rejalashtirmoqda.
Ilgari o‘tkazilgan keng ko‘lamli tadqiqotlar bunday bog‘liqlik mavjudligini rad etgan.
CDC qarori AQSHda so‘nggi o‘n yillikdagi eng yirik qizamiq epidemiyasi fonida qabul qilindi. Mamlakatda 200 dan ortiq kasallanish holati qayd etilgan, ulardan ikkitasi o‘lim bilan yakunlangan. Kasallikning avj olishi AQSHning ayrim hududlarida aholini emlash bilan qamrab olish darajasining pasayishi oqibati deb qaralmoqda. So‘nggi paytlarda ota-onalar o‘rtasida emlashning zarari haqidagi noto‘g‘ri fikrlar tarqalgan.
