Kuchli charchoq qalqonsimon bez kasalliklarida paydo bo‘lishi mumkin va kundalik hayotga xalaqit beradigan darajada kuchli bo‘lishi mumkin.

"Charchoq qalqonsimon bez kasalliklarining keng tarqalgan alomatidir," - dedi endokrinolog shifokor Kamila Tabeeva.

Shu bilan birga, bemorlarning o‘zlari ko‘pincha uni boshqa omillar - mavsumiylik, noto‘g‘ri ovqatlanish, ish jadvali, stress va boshqalar bilan bog‘laydilar va charchoq o‘z-o‘zidan o‘tib ketishiga umid qilib, oxirigacha shifokorga murojaat qilmaydilar. Ular baribir mutaxassis qabuliga kelishganda, charchashning sababi gipoterioz ekanligi ma’lum bo‘ladi.

Qalqonsimon bez gormonlarining me`yordan oshishi - tireotoksikoz ham holsizlikka olib kelishi mumkin, ammo bu holda u qo‘l barmoqlarining titrashi, yurak urishining tezlashishi va vazn yo‘qotish bilan birga kechadi.

Qalqonsimon bez bilan bog‘liq muammolarning yana bir ehtimoliy belgisi - uzoq uyqudan keyin ham charchoq hissi. "Ularda jismoniy mashqlar uchun energiya yetishmaydi, ertalab o‘rindan turib, kunni boshlash qiyin bo‘lishi mumkin," - deya tushuntirdi mutaxassis. - Bundan tashqari, tez-tez yig‘loqilik ham paydo bo‘lishi mumkin."

O‘z-o‘zini diagnostika qilish va ayniqsa o‘zini davolash bilan shug‘ullanish kerak emas. Sanab o‘tilgan alomatlar paydo bo‘lganda, mutaxassisga murojaat qiling.