FDA Amerikaning DermaSensor kompaniyasi tomonidan ishlab chiqarilgan, teri saratonini "birlamchi" darajada aniqlovchi portativ qurilmani tasdiqladi.

Qurilma elastik sochilish spektroskopiyasi va sunʼiy intellektga (AI) asoslangan algoritmdan foydalanib, shifokorlarga shubhali xol yoki shikastlangan terida saraton borligini aniqlashga yordam beradi.

Regulyator qurilma teri saratonini aniqlashda 96 foiz sezgirlikka ega ekanligini koʼrsatadigan tadqiqot natijalari mavjudligini taʼkidladi. Ishlab chiquvchining soʼzlariga koʼra, qurilma yordamida olingan salbiy natija 97% ehtimollik bilan yaxshi boʼladi.

Teri bilan aloqa qilganda qurilma yorugʼlik chiqaradi va terining yuzasi ostidagi hujayra tuzilmalaridan aks ettirilgan toʼlqin uzunliklarini oladi. Keyinchalik u aks ettirilgan yorugʼlikni tahlil qilish va teri saratonini aniqlash uchun algoritmdan foydalanadi.

DermaSensor bosh direktori Kodi Simmonsning soʼzlariga koʼra, yangi qurilma obuna xizmati sifatida sotiladi, uning narxi beshtagacha bemor uchun oyiga 199 dollar yoki cheksiz foydalanish uchun oyiga 399 dollar.

DermaSensor hozirda Yevropa va Avstraliyada tijorat maqsadlarida foydalanish uchun mavjud.
Teri saratoni (melanoma, bazalioma va skuamoz hujayrali karsinoma) dunyodagi eng keng tarqalgan saraton turidir. Odatda bunday kasalliklar dermatoskopiya yordamida aniqlanadi.