12:24 (17.03.2025)

308

Xodjimetov Oqil Nig‘monovich 70 yoshga to‘ldi

"Dori-Darmon" aksiyadorlik kompaniyasi Boshqaruv raisining maslahatchisi Xodjimetov Oqil Nig‘monovich 70 yoshga to‘ldi/

Oqil Xodjimetov 1955-yilda Toshkent shahrida tug‘ilgan. 1977-yilda Toshkent farmatsevtika institutini, 1997-yilda Toshkent moliya institutini sirtqi bo‘limini tamomlagan. Mutaxassisligi provizor-iqtisodchi.

Mehnat faoliyatini 1977-yilda Jizzax viloyati Mirzacho‘l tumanidagi 536-sonli dorixonaning retseptor-nazoratchi lavozimidan boshlagan.

48-yillik mehnat faoliyati davomida dorixona provizori, Dorixonalar Bosh boshqarmasining “Lekrapromxoz” sovxozida texnik, sex boshlig‘ining muovini, sex boshlig‘i, bo‘lim mudiri, Dorixonalar Bosh boshqarmasining nazorat-taftish bo‘limi taftishchisi, Sog‘liqni saqlash vazirligining xo‘jalik tashkilotlari bo‘yicha nazorat-taftish bo‘limi taftishchisi, Moliya vazirligining nazorat taftish Bosh boshkarmasi taftishchisi, “Medik” audit firmasining bosh mutaxassisi, 1998-1999-yillarda “Dori-Darmon” Davlat Aksiyadorlik uyushmasi boshqaruv raisining o‘rinbosari, 1999-2000-yillarda “Dori-Darmon” Davlat aksiyadorlik uyushmasi boshqaruv raisining birinchi o‘rinbosari, 2000-2002-yillarda Surxondaryo viloyati “Dori-Darmon” aksiyadorlik jamiyatining boshqaruv raisi, 2002-2008-yillarda “Dori-Darmon” aksiyadorlik kompaniyasi boshqaruv raisining o‘rinbosari, 2008-2015-yillarda “Dori-Darmon” Aksiyadorlik kompaniyasi farmatsevtik ichki nazorat Departamentining rahbari, 2015-2019-yillarda “Dori-Darmon” Aksiyadorlik kompaniyasi farmatsevtik ichki nazorat boshqarmasi rahbari sifatida faoliyat ko‘rsatgan.

2021-yildan buyon Boshqaruv raisi maslahatchisi vazifasida faoliyat ko‘rsatmoqda.

Farmatsevtika sohasida kuchli bilimga va hayotiy tajribaga ega Oqil Xodjimetov bir qator me’yoriy hujjatlarni tayyorlashda bevosita ishtirok etgan. Bundan tashqari, 48-yillik faoliyati davomida ko‘plab shogirdlar yetishtirgan. Ular hozirda xususiy va davlat muassasalarida mutaxassislik va rahbarlik lavozimlarida ish olib borishmoqda.

Samarali mehnati va kasbga sadoqati sabab ustoz farmatsevt “O‘zbekiston mustaqilligining 10-yilligi” esdalik nishoni bilan taqdirlangan.

Xodjimetov Oqil Nig‘monovich qutlug‘ yoshingiz muborak bo‘lsin. Doimo shogirdlar ardog‘ida, farmatsevtika rivoji uchun xizmat qilishdan tolmang. Shaxsiy hayotingizda baxt, sog‘lik-salomatlik, tinchlik-xotirjamlik, faoliyatingizda omad va zafarlar tilaymiz!

"Dori-Darmon" AK jamoasi

Нажмите на кнопку ниже, чтобы прослушать текст Powered by GSpeech