Garchi sanoatning yarmiga yaqini oʼz xodimlariga ChatGPT dan foydalanishni taqiqlagan boʼlsa-da, koʼplab bio-tibbiyot fanlari mutaxassislari undan muntazam foydalanadilar.

ZoomRx tomonidan oʼtkazilgan soʼrovda respondentlarning yarmidan koʼpi ChatGPTdan har oyda kamida bir necha marta, respondentlarning toʼrtdan biridan koʼprogʼi esa har kuni boʼlmasada haftada bir necha marta ushbu vositadan foydalanishini aytdi.

20 ta yirik farmatsevtika kompaniyasining 65 foizi oʼz xodimlariga ChatGPT-dan foydalanishni taqiqlaganini aytishdi. Respondentlarning tushuntirishicha, bu chora maʼlumotlar sizib chiqishidan qoʼrqish bilan bogʼliq.

Bunday xavotirlar asossiz emas: ilgari baʼzi foydalanuvchilarga sunʼiy intellekt boshqa foydalanuvchilar bilan qilgan suhbatlari tarixini koʼrish imkonini beruvchi xatoni tuzatish uchun ChatGPT butunlay oʼchirib qoʼyilgan edi.

"Xodim shaxsiy klinik maʼlumotlarni yoki boshqa nozik maʼlumotlarni ChatGPT-ga yuklaydi, sunʼiy intellektdan yordam soʼraydi va keyin bu maʼlumotlar chatbotning kelajakdagi faoliyatini yaxshilash uchun foydalaniladigan OpenAI trening maʼlumotlar toʼplamiga tushadi", deb tushuntirdi ZoomRx mutaxassislari.

Biroq, koʼplab biologlar va shifokorlar muntazam ravishda ChatGPT-dan foydalanadilar. Ammo, umuman olganda, sunʼiy intellekt haqida gap ketganda, ishtirokchilarning 83 foizi texnologiyani "ortiqcha baholangan" deb atashgan.

ZoomRx soʼrovida jami 200 dan ortiq bio-tibbiyot fanlari mutaxassislari ishtirok etdi.