Bosh prokuratura huzuridagi Departamentning Qo‘qon shahri bo‘limi va DXX xodimlari hamkorligida o‘tkazilgan tezkor tadbirda fuqarolar M.K., K.M., A.A., va M.Sh. kelib chiqishi hamda sifatini tasdiqlovchi hujjatlari bo‘lmagan umumiy bahosi 381,6 mln so‘mlik jami 2 400 quti (24 ming dona flakon) “AMPISUL” nomli dori vositasini Dang‘ara tumanida o‘tkazish maqsadida olib ketayotganliklari aniqlanib, ushbu dori vositalari ashyoviy dalil tariqasida olingan.

Mazkur holat yuzasidan Jinoyat kodeksining 25, 186-3-moddasi (sifatsiz yoki qalbakilashtirilgan dori vositalarini yoxud tibbiy buyumlarni o‘tkazish maqsadida ishlab chiqarish, tayyorlash, olish, saqlash, tashish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.