Аbu-Dabidagi Masdar-Siti shahrida joylashgan Insilico Medicine kompaniyasi yangi dorilar yaratish uchun sunʼiy intellekt platformasini ishlab chiqdi va butunlay sunʼiy intellekt tomonidan ishlab chiqilgan dunyodagi birinchi dorini yaratdi. Preparat klinik sinovdan oʼtkazilmoqda, deb xabar beradi wam.ae. 

Sunʼiy intellekt koʼplab farmatsevtika preparatlarini ishlab chiqishda allaqachon rol oʼynayotgan boʼlsa-da, insonlar oʼlimiga olib keladigan oʼpka kasalligi - idiopatik oʼpka fibrozini davolashda yordam beradigan Insilico ning yangi preparati birinchi bor toʼliq sunʼiy intellekt tomonidan yaratilgan.

Insilico Medicine bosh direktori doktor Aleks Javoronkov shunday dedi: "Sunʼiy intellekt tomonidan ishlab chiqilgan ushbu dori biz uchun va butun sanoat uchun muhim bosqichdir". Biz sunʼiy intellektdan hayotni saqlab qoladigan dori-darmonlarni yaratish va yangi kasalliklarni hali oʼrganilmagan yondashuvlar yordamida davolash uchun foydalanishimiz mumkin va buni tezroq hamda samaraliroq qilishimiz mumkin. Shuningdek, biz sunʼiy intellektning iqlim oʼzgarishiga qarshi kurashish kabi boshqa sohalarda ham oʼrganmoqdamiz. Bizning maqsadimiz hayotni uzaytirish va insoniyatni qutqarish uchun generativ sunʼiy intellekt va robototexnikadan foydalanishdir.

Idiopatik oʼpka fibrozi yoki IOʼF - oʼpkaning progressiv chandiqlari bilan tavsiflanadigan noyob va oʼlimga sabab boʼladigan kasallik. Bu kasallik amalda davolanmaydi. Yaqin Sharqda 60 millionga yaqin odam nafas olish tizimi kasalliklari, jumladan, oʼpka fibrozi bilan kasallanish xavfi ostida ekanligi taxmin qilinmoqda.

Hozirgi vaqtda AQSh va Xitoyda oʼpkaning faoliyatini yaxshilashda preparatning xavfsizligi, bardoshliligi va samaradorligini baholash uchun 2a bosqich klinik sinovlari olib borilmoqda. Insilico kompaniyasi sunʼiy intellekt tomonidan ishlab chiqilgan 30 dan ortiq dori vositalariga ega. Ulardan yettitasi klinik sinovlarda, bir nechtasi esa Sanofi, Menarini va Exelixis kabi yetakchi farmatsevtika kompaniyalari tomonidan litsenziyalangan.

BААda joylashgan Insilico jamoasi Insilico Pharma. AI platformasini takomillashtirish, jumladan, yirik til modellari va kvant hisoblashlarini integratsiyalash ustida ishlamoqda.