27-fevral kuni Sog‘liqni saqlash vaziri Asilbek Xudayarov farmatsevtika tarmog‘ida faoliyat ko‘rsatib kelayotgan tadbirkorlik subyektlari vakillari bilan ochiq muloqot o‘tkazdi.

Unda vazirlik mas’ullari, Farmatsevtika mahsulotlari xavfsizligi markazi, Farmatsevtika tarmog‘ini rivojlantirish agentligi, Davlat bojxona qo‘mitasi, "Dori-Darmon" AK va boshqa tegishli tashkilotlar xodimlari ishtirok etdilar.

Bu ishbilarmonlarni o‘ylantirib kelayotgan masalalarni joyida hal etish imkonini berdi. Shu tariqa rahbarlar va tadbirkorlarning o‘zaro muloqotiga asoslangan yangi platformaga asos solindi.

Uchrashuv doirasida sohada tadbirkorlikni yanada rivojlantirishga oid ustuvor vazifalari belgilandi va yangi loyihalar chuqur tahlildan o‘tkazildi.

Shu formatdagi muloqotlarni bundan keyin ham rejali asosda o‘tkazib borishga kelishib olindi.