Lablar saratoni saratonning umumiy sonining 3% ni tashkil qiladi va yoshi kattaroq erkaklarda koʼproq uchraydi. Bu haqda onkolog Ruslan Basanov maʼlumot berdi.

“Lab saratoni bilan ogʼrigan asosiy bemorlar 65-75 yoshdagi erkaklardir. Ayollar uch baravar kam kasallanadi”, - deydi onkolog.

Shifokorning soʼzlariga koʼra, shish koʼpincha pastki labda paydo boʼladi. 2-5% hollarda yuqori labda paydo boʼladi.

Lab saratonining asosiy sababi chekishdir. Keyingi oʼrinda gerpes, oshqozon-ichak trakti kasalliklari va ulьtrabinafsha nurlarning taʼsiri turadi. Doimiy ravishda lablarni tishlash odati tufayli ham saraton paydo boʼlishi mumkin.

“Keksa odamlarda (lablar terisi yupqalashgani sababli) gormonal oʼzgarishlar tufayli, shuningdek, ayrim surunkali kasalliklar (psoriaz, qizil toshmalar, qandli diabet, kserostomiya) boʼlsa lab saratoni rivojlanish xavfi ortadi. ", - dedi Basanov.

Lab saratoni labda shish paydo boʼlishi bilan aniqlanishi mumkin. Ular ogʼriqli boʼladi, qobiqqa ega va tezda kattalashadi.