«Анальгетики будущего» kompaniyasi Thomisus onustus nomli oʼrgimchak zaharidan olingan moddaga asoslangan innovatsion ogʼriq qoldiruvchi vositaning klinikadan oldingi sinovlarini yakunladi.

Preparat purotoksin-6 (PT6 yoki FA006) deb nomlandi. Bozorga kirishning taxminiy sanasi 2029 yil boʼlib, neyropatik ogʼriqli 8 milliondan ortiq bemorni qamrab olishi mumkin.

Purotoksin maxsus ogʼriq retseptorlarini ( P2X3) bloklaydi. P2X3 osteoartrit, sistit, trigeminal nevralgiya va migren, shuningdek, surunkali yoʼtal kabi holatlarda ogʼriqning rivojlanishida asosiy rol oʼynaydi.

Hozirgi vaqtda P2X3 retseptorlariga taʼsir qiluvchi faqat bitta dori mavjud boʼlib, u Yevropa Ittifoqi, Shveytsariya va Yaponiyada roʼyxatga olingan. Biroq, bu dori taʼm sezgilarining buzilishi (disgeuziya) bilan bogʼliq yon taʼsirga ega.

"Purotoksin-6 P2X3 retseptorlariga samarali taʼsir qiladi. Biz buni koʼplab sinovlarda koʼrdik - izolyatsiya qilingan sensorli neyronlarda, rekombinant retseptorlarda, shuningdek, genetik jihatdan oʼzgartirilgan sichqonlari yordamida. Muhimi, FA006 disgeuziyaga olib kelmaydi, yaʼni uning nojuya taʼsirlari yoʼq."- deydi kompaniya asoschisi, tadqiqot rahbari Aleksandr Vasilevskiy.

Ogʼriq qoldiruvchi vosita teri ostiga inʼektsiya uchun eritma boʼlib, koʼp dozalash uchun shpritsli qalam shaklida chiqariladi.

Tibbiyotda innovatsion texnologiyalarning rivojlanishi davolanishga yondashuvlarni oʼzgartirish va bemorlarning hayot sifatini yaxshilashda muhim rol oʼynaydi. Xususan, analgeziklarning yangi sinfini ishlab chiqish yon taʼsirlarni minimallashtirish bilan birga davolash samaradorligini oshiradi."- deydi mutaxassislar.

«Анальгетики будущего» FA006 ning klinikagacha boʼlgan barcha tadqiqotlarini yakunladi. Tadqiqot natijalari nufuzli Molecular Therapy jurnalida chop etilgan.

Mutaxassislar hayvonlarda oʼtkazilgan tadqiqotlarda FA006 koʼpchilik peptid birikmalariga xos boʼlmagan, taʼsir qilish muddatining uzoq va barqarorligini, samaraliroq, qulayroq va yuqori xavfsizlikni koʼrsatganligini taʼkidladi.

Rezident 2025 yilda klinik sinovlarni boshlashni rejalashtirmoqda. Agar sinovlar muvaffaqiyatli boʼlsa, bozorda nojoʼya taʼsir koʼrsatmaydigan, hamda barcha mavjudlaridan tuzilishi va harakat mexanizmi bilan farq qiladigan analgetik paydo boʼladi.