Paratsetamol nafaqat miya orqali ogʼriqni yengillashtiradi - olimlar u nerv oxirlari(nerv hujayralarining oʼsiqchalari oxiridagi tuzilma) darajasida ham ogʼriqni qoldirishini aniqladilar.

Quddusdagi Ibroniy universiteti olimlari tomonidan olib borilgan tadqiqot dunyodagi eng mashhur ogʼriq qoldiruvchi vositalardan birining ilgari nomaʼlum boʼlgan taʼsir mexanizmini ochib beradi.

Mualliflar paratsetamolni qabul qilgandan soʼng tanada AM404 moddasi hosil boʼlishini aniqladilar. Hozirgacha u faqat markaziy asab tizimida harakat qiladi, deb ishonilgan. Biroq, maʼlum boʼlishicha, AM404 toʼgʼridan-toʼgʼri periferiyadagi ogʼriq retseptorlarida sintezlanadi va ogʼriq miyaga uzatiladigan natriy kanallarini bloklaydi. Boshqacha qilib aytganda, paratsetamol markaziy asab tizimiga yetib bormasdan oldin ogʼriq signalini toʼxtatadi.

Ushbu kashfiyot yangi, xavfsiz, yon taʼsiri kam boʼlgan ogʼriq qoldiruvchi vositalarni ishlab chiqishga kelishi mumkin.