Avstraliyalik olimlar hayotning birinchi haftalarida antibiotiklarni qabul qilgan chaqaloqlar organizmiga emlashlarga yomonroq javob berishini aniqladi.

Ular vaksinalarga nisbatan zaif immunitetga ega bo‘lishadi, bu, ehtimol, ichak mikroflorasi tarkibining buzilishi bilan bog‘liq. Tadqiqot natijalari Nature jurnalida chop etilgan.

Tajribada 191 nafar sog‘lom bola ishtirok etgan. Ulardan 32 nafar chaqaloq tug‘ilgandan darhol antibiotiklarni qabul qilgan, yana 79 nafari esa onalari orqali bilvosita - tug‘ilish paytida yoki undan keyingi dastlabki olti hafta ichida dorilar ta’siriga duchor bo‘lgan. Bu bolalarda 7 va 15 oyligida bir qator vaksinalarga, jumladan pnevmokokk va gemofil infeksiyasiga qarshi vaksinalarga qarshi antitelalar darajasi pasaygan.

Mualliflar bu ta’sirni bifidobakteriyalar - foydali bakteriyalar ulushining kamayishi bilan bog‘lashadi, odatda yangi tug‘ilgan chaqaloqlarning ichaklarida, ayniqsa ona suti bilan oziqlanadigan emizikli bolalarning ichaklarida ustunlik qiladi. Ushbu bakteriyalar immunitet tizimini to‘g‘ri "sozlash" bilan shug‘ullanadi va vaksinalarga javobni kuchaytiradi.

Olimlar, shuningdek, steril sichqonlar ustida tajriba o‘tkazdilar: bifidobakteriyalarning mavjudligi emlashdan keyin antitelalar ishlab chiqarishni ko‘paytirishini va bu bakteriyalar bilan probiotikni yuborish immunitet reaksiyasini tiklashini ko‘rsatdi.

Yaqin kelajakda tadqiqotchilar guruhi bifidobakteriyalarga asoslangan probiotikning klinik sinovlarini boshlaydi, u antibiotiklardan keyin chaqaloqlarda immunitetni tiklay oladimi yoki yo‘qmi ayni shu jihatni o‘rganish maqsad qilingan.