Yevropa regulyatori Yevropa Ittifoqi va Buyuk Britaniyadagi distribyutorlarda Novo Nordisk ning mashhur qand miqdorini pasaytiruvchi Ozempik preparatining qalbaki ruchkalari mavjudligi haqida ogohlantirdi.

Bemorlarga rasmiy dorixonalardan qalbaki ruchkalar berilgani haqida hech qanday dalil yoʼq va qalbaki dori vositalaridan bemorlarga zarar yetkazilgani haqida xabarlar yoʼq, deyiladi Yevropa dori vositalari agentligi (EMA) bayonotida.

Buyuk Britaniya regulyatori, Dori-darmonlar va sogʼliqni saqlash mahsulotlarini tartibga solish agentligi (MHRA) Buyuk Britaniyaning ikkita distribyutorida qalbaki Ozempik topilganligini tasdiqladi.

Novo Nordisk vazn yoʼqotuvchi Wegovy va qand miqdorini pasaytiruvchi Ozempik dori vositalariga talab ortib borayotgani tufayli global semizlik inqirozi sharoitida bu yil Yevropaning eng qimmat kompaniyalaridan biri boʼldi.

Semirib ketishni davolash uchun faqat Wegovy tasdiqlangan boʼlsa-da, Ozempik ham sezilarli darajada vazn yoʼqotishiga olib kelishi AQSh va Yevropadagi odamlarni dori-darmondan tashqari foydalanishga undadi.

Bu foydalanuvchilarning sogʼligʼiga xavf tugʼdiradigan noqonuniy distribyutorlarni koʼpayishiga sabab boʼlmoqda.

Oʼtgan hafta Novo Nordisk Germaniya federal regulyatori dorixonalar va distribyutorlarida koʼp miqdorda qalbaki Ozempik dorisi aniqlanganidan soʼng hushyor boʼlishga chaqirgan hamda Wegovy va Ozempik soxta dori-darmonlarini onlayn tarzda taklif qilayotganlar keskin oʼsishi haqida ogohlantirgandi.

Nemis tilidagi ruchkalar qalbaki boʼlsa-da, qadoqlar asl va Avstriya va Germaniyadagi distribyutorlardan kelgan, deyiladi YeMA bayonotida.