Samara universiteti olimlari tomonidan ishlab chiqilgan usul bemorning yuragi va pulьs ritmiga asoslangan qon tomirlarining elastikligini baholashga yordam beradi. Olimlarning fikricha, bu aterosklerozni erta tashxislash va yurak xastaliklarining oldini olishda foydali boʼladi. Natijalar Biomedical Engineering jurnalida chop etildi.

Universitet mutaxassislarining fikriga koʼra, hozirgi vaqtda bemorning qon tomirlarining elastikligini baholash uchun ulьtratovush va rentgen diagnostika tizimlariga asoslangan turli instrumental usullar qoʼllaniladi. Buning uchun maxsus qimmatbaho uskunalar va malakali tibbiy xodimlarning yordami talab qilinadi.

Samara milliy tadqiqot universiteti olimlari bemorning yuragi va pulьs ritmidagi farqlarni tahlil qilish asosida oddiyroq baholash usulini taklif qildi.

"Mayerning maʼlum toʼlqinlari tufayli qon bosimining davriy oʼzgarishi arterial tomirlarning elastikligidagi oʼzgarishlarni keltirib chiqarishi mumkin, bu esa yurak urish tezligida qoʼshimcha oʼzgaruvchanlikni keltirib chiqaradi. Aynan shu farq tomir devorlarining choʼzilish qobiliyatining belgisidir”- dedi Samara universitetining lazer va biotexnika tizimlari kafedrasi dotsenti Aleksandr Fedotov.

Ular inson arterial tomirlarining elastikligini noinvaziv baholashning nisbatan oddiy usulini joriy etish aterosklerozni erta tashxislash samaradorligini oshirish va miokard infarktining paydo boʼlishining oldini olish imkoniyatini berishini tushuntirishdi.