Rossiya Federatsiyasidagi dorixonalar kuchli ta'sir qiluvchi psixotrop preparatlarni sotishdan bosh tortishni boshladi, deb yozadi RBK.

Qayd etilishicha, kuchli nazorat va narxlarni tartibga solish tufayli ushbu dorilar bilan ishlash foydasiz bo‘lib qolmoda. Gap buyum-miqdoriy hisobga olinadigan dori vositalari haqida ketmoqda.

2023 yil 17 noyabrdagi ma'lumotlarga ko'ra, Frantsiyaning Sanofi kompaniyasini "Frizium" preparati butun Rossiya bo'ylab faqat 56 ta dorixonada mavjud bo‘lgan va Moskvada uni faqat ikkita joyda sotib olish mumkin.

Latviyaning Grindex kompaniyasini “Zolomaks” trankvilizatori va uning analogi “Alprazolam”ni xarid qilishda ham qiyinchiliklar yuzaga kelgan.

Qayd etilishicha, ayni paytda Rossiya Federatsiyasida 20 ga yaqin kuchli taʼsir qiluvchi dori vositalari roʻyxatga olingan. Roszdravnadzor ma'lumotlariga ko'ra, ular 2023 yilda muomalaga kiritilgan. "Elenium" trankvilizatori bundan mustasno, chunki u oxirgi marta 2022 yilning kuz faslida chiqarilgan.

1-sentabrdan boshlab kuchli taʼsir etuvchi psixotrop preparatlarni sotish qoidalari kuchaytirilgan edi. Endi farmatsevtlar markirovkalash tizimiga xaridor tomonidan taqdim etilgan retsept ma'lumotlarini kiritishlari kerak.