Tashkilot yolg'izlikning zararini kuniga 15 ta sigaret chekish bilan taqqosladi.

Yolg'izlik butun dunyo bo'ylab odamlarning sog'lig'iga tahdid solmoqda va uning zarari kuniga 15 ta sigaret chekishga teng bo'lishi mumkin. Bu haqda Jahon sog‘liqni saqlash tashkilotining yolg‘izlik va ijtimoiy izolyatsiya oqibatlarini o‘rganuvchi ijtimoiy aloqalar komissiyasi hamraislari ma’lum qildi. 

"Yolg'izlik chegarasi yo'q va sog'liq, farovonlik va rivojlanishning barcha sohalariga ta'sir qiluvchi global sog'liq uchun tahdidga aylanmoqda", - deydi komissiya hamraislaridan biri Chido Mpemba.

Tashkilotga hamraislik qiluvchi amerikalik bosh sanitar shifikor Vivek Mertining so'zlariga ko'ra, yolg'izlikning sog'liq uchun xavfi kuniga 15 ta sigaret chekishdan kam emas, semizlik va jismoniy faollikning etishmasligidan ham kattaroqdir. Uning ta’kidlashicha, yolg‘izlik ko‘pincha rivojlangan mamlakatlarda muammo sifatida ko‘riladi, biroq hozirda dunyoning barcha mintaqalarida har to‘rtinchi keksa kishi ijtimoiy jihatdan izolyatsiya qilingan, deb yozadi The Guardian. 

JSST chorshanba kuni ijtimoiy aloqalarning odamlar salomatligiga ta'sirini o'rganish bo'yicha yangi komissiya tuzilganini e'lon qildi. Unga 11 nafar siyosatchi va faollar kirgan. Komissiyaning amal qilish muddati uch yilni tashkil qiladi.