Tibbiyot fanlari nomzodi Natalya Tananakina "Izvestiya" ga bergan intervyusida qanday alomatlar qalqonsimon bez kasalliklarini koʼrsatishi mumkinligini aytdi.

“Qalqonsimon bez inson endokrin tizimining eng katta va eng muhim organlaridan biridir. U gormonlar ishlab chiqaradi, shu bilan metabolizmni tartibga soladi, bu esa tananing rivojlanishiga taʼsir qiladi. Shuningdek, infektsiyalarga qarshi kurashishda immunitet tizimining ishlashi, insonning kayfiyati va tashqi koʼrinishi uchun javobgardir. Statistik maʼlumotlarga koʼra, sayyoradagi har uchinchi odamda qalqonsimon bez bilan bogʼliq muammolar mavjud. Qalqonsimon bez kasalliklariga turli omillar sabab boʼladi: irsiyat, quyosh tagida koʼp vaqt oʼtkazish, stress, virusli va bakterial infektsiyalar, burun-halqum yoʼlining surunkali kasalliklari, immunitetning pasayishi ", dedi u.

Shifokorning soʼzlariga koʼra, eng koʼp uchraydigan kasalliklarga gipoterioz, giperterioz, buqoq va tugunlar (saraton rivojlanishiga olib kelishi mumkin) va autoimmun tiroidit kiradi. Ularning xavfi shundaki, qalqonsimon bez faoliyati buzilishi koʼpincha boshqa organlarning kasallik belgilari ortida yashirinadi, shuning uchun bemor butunlay boshqa mutaxassislarga murojaat qilishi mumkin va tashxis ancha uzoq davom etishi mumkin.

Qalqonsimon bez kasalliklarining aksariyati yod tanqisligi bilan bogʼliq. Yod tanqisligi nafaqat organ hajmining oʼsishiga, balki qaytarilmas oʼzgarishlarga ham olib keladi.

“Quyidagi alomatlar qalqonsimon bez kasalliklari mavjudligini koʼrsatishi mumkin: tashvishga tushish holatlarining kuchayishi; xotira, konsentratsiya bilan bogʼliq muammolar, charchoq; ortiqcha vazn, libidoning pasayishi, hayz davrining buzilishi, yurak tez urishi va yuqori qon bosimi, mushaklar va boʼgʼimlardagi ogʼriq, reproduktiv disfunktsiya, tomoqdagi shish hissi, soch toʼkilishi, sochlarning moʼrtligi, terining quruqlashishii, tanada issiqlik almashinuvini buzilishi, - dedi ekspert.

Agar bunday alomatlar aniqlansa, mutaxassisga murojaat qilishingiz kerak. Profilaktik tekshiruvlarni eʼtiborsiz qoldirmaslik kerak, bu kasalikkni dastlabki bosqichda aniqlashga va imkon qadar tezroq davolashni boshlashga yordam beradi, deya xulosa qildi Tananakina.