Kompyuter tomografiyasi 22 yoshgacha boʻlganlarda qon saratoni xavfini oshiradi
Belgiya, Daniya, Fransiya, Germaniya, Ispaniya, Shvetsiya va boshqa mamlakatlardan kelgan xalqaro olimlar guruhi kompyuter tomografiyasi yoshlarda qon saratoni xavfini oshirishi mumkin degan xulosaga keldi. Tadqiqot natijalari Nature Medicine jurnalida chop etildi.
Mualliflar hayoti davomida kamida bitta kompyuter tomografiyasi tekshiruvidan oʻtgan 22 yoshgacha boʻlgan bir millionga yaqin odamning maʼlumotlarini tahlil qildilar. Buning uchun toʻqqiz mamlakatdagi 376 ta kasalxonaning tibbiy maʼlumotlari tekshirildi. Ishtirokchilar taxminan sakkiz yil davomida kuzatilgan, baʼzi subyektlar esa birinchi kompyuter tomografiyasidan keyin taxminan 20 yil davomida kuzatilgan.
Mutaxassislar kompyuter tomografiyasi qon saratoni rivojlanishi bilan bogʻliqligini aniqladilar. Xususan, oʻrtacha sakkiz milligramm dozada bitta kompyuter tomografiyasi bolalarda qon saratoni ehimolini 16 foizga oshiradi. Xuddi shuningdek, suyak iligi nurlanishining 100 milligramm dozalari bu kasallik xavfini uch baravar oshiradi. Agar topilmalar mutlaq xavfga aylantirilsa, kompyuter tomografiyasidan oʻtadigan har oʻn ming bola uchun tekshiruvdan keyin 12 yil ichida bir yoki ikkitasida saraton kasalligi rivojlanishi mumkin.
- 15 Noyabr, 09:00
-
Batafsil
