11:50 (04.04.2025)
119
2024 йилда харид чеки бермаган тадбиркорларга нисбатан 135 млрд сўмлик жарима қўлланилди
2024 йилда жисмоний шахсларнинг юборган мурожаати асосида солиқ органлари томонидан харид чеки бермаслик бўйича 37 минг 897 та ҳолатда сайёр солиқ текшируви ўтказилди.
Бу ҳақда 1 апрель куни АОКАда Солиқ қўмитаси раҳбарияти иштирокида ўтказилган матбуот анжуманида маълум қилинди.
Қўмита катта инспектори Улуғбек Саидовнинг айтишича, текширув натижасига кўра, ҳуқуқбузарлик содир этган тадбиркорлик субъектларига нисбатан 135 млрд сўмлик молиявий жарима қўлланилган.
«Бугунги кунда шундан 100 млрд сўмдан ортиғи ундирилган», — дейди қўмита вакили.
