2024-йилда 263,9 млрд сўмлик ноқонуний ўтказилган харид натижалари бекор қилинди
Коррупцияга қарши курашиш агентлиги давлат буюртмачилари томонидан амалга оширилаётган харидларни доимий равишда мониторинг тартибида ўрганиб бормоқда. Бу ҳақда агентлик ахборот хизмати хабар қилди.
Мониторинглар 552,5 миллиард сўмлик 273 та харидни қамраб олди. 234 та ҳолатда қонунга зид ҳаракатлар аниқланиб, 263,9 млрд сўмлик харид натижалари бекор қилинди.
Ўрганиш натижалари якунлари бўйича вазирлик ва идораларга 257 та тақдимномалар киритилди.
Хусусан, Соғлиқни сақлаш вазирлигига 52 та шундай мурожаат юборилган, Транспорт вазирлигига — 30 та, Мактабгача ва мактаб таълими вазирлигига — 23 та, Маҳаллий давлат ҳокимияти органларига- 32 та.
Бундан ташқари, харидлар натижалари юзасидан ҳуқуқни муҳофаза қилувчи ва назорат органларига 273 та сўровнома юборилди.
Қонунчилик талабларини бузган 104 нафар шахс маъмурий, 85 нафар шахс интизомий жавобгарликка тортилди.
- 13 Январь, 09:45
-
Батафсил
