Олимлар ўн йилдан зиёд давом этган изланишлардан сўнг лаборатория шароитларида инсон тишларини етиштиришга муваффақ бўлди.

Тадқиқотчилар тишларнинг ўсиши учун зарур бўлган шароитларни такрорлайдиган махсус материал яратди. Ушбу материал ҳужайраларга сигналларни алмашиш ва тиш тўқимасини шакллантириш жараёнини бошлаш имконини беради.

Шуни таъкидлаш керакки, анъанавий имплантлар ёки пломбалардан фарқли ўлароқ, беморнинг ўз ҳужайраларидан ўстирилган тишлар жаққа тўлиқ интеграциялаша олади ва ҳатто табиий тишлар каби тикланади.

Мутахассисларнинг фикрича, бундай ишланмалар замонавий стоматологияда ёндашувларни тубдан ўзгартириб, тишларни тиклаш ва қайта тиклаш бўйича юқори самарали ечимларни таклиф этади.

Ҳозирда жамоа ушбу технологияни лабораториядан клиник амалиётга жорий этиш устида иш олиб бормоқда. Дастлабки баҳолашларга кўра, бунга бир неча йил талаб этилади.