Иссиқ кунларда ширин ичимликлар соғлиқ учун хавфли бўлиши мумкин, чунки улар қондаги глюкоза миқдорини кескин кўтариб юбориши мумкин.

Бу ҳақда профессор Марина Моисеяк маълум қилди.

— Совуқ газланган ширин ичимликлар таъм билиш рецепторларининг сезувчанлигини пасайтиради, шунинг учун инсон ичаётган ичимлиги қанчалик ширин эканлигини сезмай қолади. Бу эса қондаги глюкоза даражасининг тез кўтарилишига ва натижада энергиянинг кескин ошишига олиб келиши мумкин, ундан сўнг эса чарчоқ пайдо бўлади, — дея огоҳлантирди мутахассис.

Унинг таъкидлашича, совуқ ширин газли ичимликлар ошқозонга ҳам салбий таъсир кўрсатади ва II тур қандли диабет ривожланиш хавфини оширади. Мутахассис табиий шакарли (5-7 фоиз) кам газланган мевали ичимликларни танлашни тавсия этади. Бундай ичимликлар организм томонидан яхшироқ ўзлаштирилади, тўқлик ҳиссини беради ва ортиқча овқатланишдан сақланишга ёрдам беради. Энг хавфсиз вариант эса оддий сув ҳисобланади.