ЕМA дори воситаларини тартибга солиш соҳасида AIдан фойдаланиш режасини ишлаб чиқди.

Европа дори воситалари агентлиги (ЕМA) дори воситаларини тартибга солиш соҳасида сунъий интеллектдан (AI) фойдаланиш бўйича 2028 йилгача иш режасини тасдиқлади. Бу ҳақда Европа Иттифоқи регулятори баёнотида айтилади. Ҳужжатда фармакологик назоратдаги жараёнларни автоматлаштириш ва маълумотларни баҳолаш учун сунъий интеллект имкониятларини мослаштириш имконини берувчи “йўл харитаси”ни яратиш кўзда тутилган. Регуляторнинг асосий воситалари катта тил моделлари, хусусан, чатботлар бўлади. ЕМA маълумотларига кўра, бу янада оқилона қарорлар қабул қилишга ёрдам беради.

Режага кўра, AI тўртта асосий йўналишда қўлланилади:

1. кўрсатмалар ва стратегияларни ишлаб чиқиш, AИдан фойдаланган ҳолда дори воситаларининг ҳаёт айланиш босқичларини тартибга солиш;

2. фармацевтикада сунъий интеллектдан фойдаланиш бўйича меъёрий-ҳуқуқий базани яратиш;

3. AIдан фойдаланишга ўргатиш;

4. AI билан тажрибалар ўтказиш.

Таъкидланишича, AI соҳасидаги ривожланишнинг юқори тезлиги туфайли режага мунтазам равишда ўзгартиришлар киритилади. 2024 йил ўрталарига келиб, ЕМA Сунъий интеллект тўғрисидаги қонунни амалга оширишга тайёргарлик кўриш жараёнини бошлайди.