08:50 (18.10.2024)
417
Халқаро аэропортдан “шампунь” ичига дори яшириб ўтишга уриниш фош қилинди
Деҳлидан учиб келган фуқаронинг йўл сумкаси текширилганда, соч ювиш воситасига устамонлик билан яширилган, белгиланган тартибда божхона назоратига тақдим этилмаган, оғзаки сўровда айтилмаган, ҳеч қандай ҳужжатларга эга бўлмаган дори воситалари борлиги аниқланди.
Фуқаро шиша идишда жами 199 дона EUTRIG ҳамда ампула кўринишидаги 120 дона SODIUM CHLORIDE INJECTION IP номли дори воситалари, шунингдек, 19 дона стоматология учун цемент (пломба)ни яшириб олиб ўтмоқчи бўлган.
Уларнинг тахминий қиймати 30 млн сўмни ташкил этмоқда.
Ҳозирда божхона органлари томонидан терговга қадар текширув ҳаракатлари олиб борилмоқда.
