Қуёш кўзойнакларининг асосий хусусияти - ультрабинафша нурланишдан ишончли ҳимоя қилишидир, акс ҳолда кўзлар ҳимоя қилинмайди, дейди офталмолог Ирина Крестянинова.

Шифокорнинг сўзларига кўра, ультрабинафша нурларидан ҳимоя қилмайдиган кўзойнаклар уни кўзга ўтишига имкон беради.

"Ва бу қуёшдан сақлайдиган кўзойнаксиз юришдан кўра ёмонроқ. Ёрқин нурда кўз қорачиғи тораяди, шу билан ультрабинафша нурларнинг ўтишини олдини олади. Қора кўзойнакларда эса кўз қорачиғи кенгаяди ва зарарли нурлар кўзга осонгина кириб, тўр пардага зарар етказади", деб тушунтирди офталмолог.

Қуёш кўзойнаклари учун энг яхши вариант - ультрабинафша нурларининг 100% ўтказмайдигани албатта. Шунинг учун, бундай кўзойнак сотиб олаётганда, уларда UV400 белгиси мавжуд эканлигига ишонч ҳосил қилиш керак (400 нанометргача ультрабинафша нурланишнинг бутун спектридан ҳимоя қилиш, бу тўлиқ ҳимояни англатади).

Ёруғлик ўтказувчанлиги даражаси 0 дан 4 гача бўлган рақамлар билан кўрсатилган. Кундалик тақиш учун 1-2 оралиғи мос келади, денгизга ёки тоғларга саёҳат қилиш учун - 3-4. Рамкадаги Р ҳарфи кўзойнаклар қутбланганлигини билдиради - улар қуёш нурини йўқ қилади, бу автомобилни бошқаришда муҳим аҳамиятга эга. Объектив ранги ультрабинафша нурланишига таъсир қилмайди.