Превентолог Ванесса Принц узоқ вақт ҳаракатсиз ишлашнинг саломатлик учун хавфлилиги ҳақида огоҳлантирди ва унинг организмга зарарли таъсирини камайтириш бўйича маслаҳатлар берди.

"Aгар одамнинг ҳаракатсиз ҳолати уч соатдан ортиқ давом этса, бу соғлиқ учун хавфлидир."

Шифокорнинг таъкидлашича, ўтирган ҳолда узоқ вақт ишлаш қон томирларининг сиқилишига ва қон оқимининг бузилишига олиб келади, бу лимфа турғунлигига ва оёқларда шиш пайдо бўлишига олиб келади. Бундай фаолият юракка жиддий зарар етказади.

"Ўтириш узоқроқ ухлаш ёки ётоқда ётишдан кўра юрак учун хавфлироқ ва қон томирларига кўпроқ зарарли таъсир кўрсатади", деди мутахассис.

Шифокорнинг аниқлик киритишича, ўтириш юрак-қон томир тизимига тушадиган оғирликни оширади, ортиқча вазн, холестерин ва қондаги қанд миқдорининг кўтарилиши каби муаммолар ҳам ҳаракатсиз вақт билан чамбарчас боғлиқ.

Узоқ вақт давомида ўтирган ҳолда ишлаш қон томирларининг хавфли сиқилишига олиб келмаслиги учун вақти-вақти билан танангизнинг ҳолатини ўзгартиришингиз керак, деди эксперт.

Севимли жойингиздан ҳар 20 ёки 30 дақиқада туришингиз керак, шунингдек, кун давомида машқлар қилиш, чўзилиш, зинапояда юриш ва тоза ҳавода сайр қилиш фойдалидир.
Яна бир тиббий маслаҳат - вақти-вақти билан тик турган ҳолда ишлаш.

Гоҳ тик туриб, гоҳ ўтириб ишлаш калория сарфини оширади, қон оқимини яхшилайди, мушак-скелет тизими учун ноқулайликни камайтиради. Кунига 30-45 дақиқадан бошлаган маъқул, бу вақт оралиғини аста-секин 2 соатгача ошириш мумкин.