Швециядаги Стокгольм университети олимлари эрталаб уйғотувчи сигнални кечиктириш когнитив фаолиятни яхшилашини аниқлашди. Тадқиқот натижалари Willey нашрида чоп этилди.

Кўп одамлар биринчи сигналдаёқ турмай, 10-20 дақиқадан кейин уйғонишлари учун иккинчи сигнални ўрнатадилар. Олимлар доимий равишда сигналларни кечиктирадиган одамлар бошқалардан фарқ қиладими ёки йўқлигини аниқлашга ҳаракат қилишди.

Тадқиқотда 1732 нафар катталар иштирок этди. Олимлар уларнинг кун тартиби ва уйқу одатларини таҳлил қилишди. Сўров шуни кўрсатдики, будилник вақтини кечиктирадиган одамлар эрталаб ўртача 22 дақиқа кўпроқ ухлашади. Бу одат тунда уйғоқ юрувчилар орасида эрта турувчиларга қараганда тўрт баробар кўп учрар экан.

Иштирокчилардан когнитив қобилият тестлари, жумладан, айрим сўзларни ёдлаш ва уларни сўз туркумида таниб олиш, шунингдек, арифметик топшириқлар топширилди. Маълум бўлишича, уйғотувчи соатларни мунтазам равишда кечиктирадиган субъектларнинг когнитив қобилиятлари биринчи сигналда турадиганларга қараганда юқорироқдир.

Олимлар кейинги тадқиқотлар ушбу ҳодисани янада ўрганишга ва ушбу режимда ухлашнинг соғлиқ учун узоқ муддатли оқибатларини аниқлашни режалаштирмоқдалар.