ЖССТ томонидан тавсия этилган кўплаб антибиотиклар пневмония, сепсис ва менингит каби болалар инфекцияларини даволашда 50% дан кам самарадорликни кўрсатади. 2013 йилги тавсияларни янгилаш керак-дейишмоқда олимлар гуруҳи.

Сидней, Оксфорд университетлари ва Aвстралиядаги болалар марказлари олимлари Жануби-Шарқий Осиё ва Тинч океанидаги паст ва ўрта даромадли мамлакатлардаги болаларда кенг тарқалган эмпирик антибиотиклар схемалари самарадорлигини ўрганишди. Тадқиқот натижалари The Lancet: Regional Health журналида чоп этилди.

Эмпирик схемалар қамровини баҳолаш учун 11 мамлакатдан 6648 та бактериал изолятлардан олинган маълумотлар таҳлил қилинди. Кейин маълумотлар болалар инфекциясини қўзғатувчи оддий бактерияларнинг ўзига хос антибиотикларга (аминопенициллинлар, гентамицинлар, учинчи авлод цефалоспоринлари ва карбапенемлар) сезгирлигини текшириш натижалари билан таққосланди.

Неонатал сепсис/менингит учун аминопенициллин билан қоплаш 26%, гентамицин билан қоплаш 45% ни ташкил этди. Учинчи авлод цефалоспоринлари янги туғилган чақалоқларда сепсис/менингит учун атиги 29%, болалар сепсиси учун 51% ва болаларда менингит учун 65% ни ташкил этди. Карбапенемлар энг юқори қамровни кўрсатди: неонатал сепсис/менингит учун 81%, болалар сепсиси учун 83% ва болалар менингит учун 79% (62-91).

Шундай қилиб муаллифлар Осиё-Тинч океани минтақасида неонатал ва болалар сепсиси ва менингитини даволаш учун кенг тарқалган эмпирик даволаш усулларига нисбатан юқори қаршилик кўрсатадиган далилларни келтирдилар.