"Rapharma" компанияси тиббиёт ходимлари ва дори воситалари муомаласи билан шуғулланувчи барча субъектларни халқаро патентланмаган номи (ХПН) “цефтриаксон” бўлган дори воситаларидан фойдаланиш хавфсизлиги тўғрисида ахборот огоҳлантирди. Эълон 20 октябр куни Росздравнадзор сайтида эълон қилинган.

Компаниянинг эслатишича, цефтриаксонни ўз ичига олган дорилар фақат рецепт бўйича берилиши керак, чунки бундай дорилар препаратнинг умумий тавсифида (йўриқнома) кўрсатилган кўрсатмалар ва дозаларга мувофиқ шифокор томонидан қатъий равишда қўлланилиши керак.

Бундан ташқари, ХПН "цефтриаксон" билан дори-дармонларни буюришдан олдин, тиббиёт ходими бемордан ёки унинг қариндошларидан цефалоспоринлар гуруҳи дориларига ёки бошқа бета-лактам антибиотикларига (пенициллинлар, монобактамлар ёки карбапенемлар) юқори сезувчанлик реакциялари мавжуд ёки йўқлиги тўғрисида маълумот сўраши керак. Шунингдек, агар лидокаин эритувчи сифатида ишлатилса, лидокаинга юқори сезувчанлик реакциялари тарихини олиши лозим. Юқори сезувчанлик реакциялари мавжуд бўлганда, "цефтриаксон" ва "лидокаин" ХПНли дориларни қўллаш мумкин эмас.

Шу сабабли, хавфларни минималлаштириш учун тиббиёт ва фармацевтика мутахассисларига беморларга антибактериал воситалардан норационал фойдаланиш туфайли терапиянинг мумкин бўлган хавфлари ҳақида иложи борича тўлиқ маълумот бериш тавсия этилади.