Takeda Pharmaceutical компанияси ўпка саратонига қарши Exkivity (мобосертиниб) препаратини ихтиёрий равишда бекор қилишини айтди.

Exkivity мутацияга эга бўлган ва кимётерапия пайтида ёки ундан кейин касалликнинг кучайиши бўлган ўпка саратонига дучор бўлган беморлари когортасида фойдаланиш учун мўлжалланган. Регулятор клиник синовларнинг эрта ва ўрта босқичлари натижаларига кўра ижобий қарор қабул қилган ва 2021 йилда ушбу препарат тезлаштирилган ФДA рухсатини олган эди.

Қўшма Штатлардан ташқари, Exkivity бир қанча бошқа мамлакатларда ҳам тасдиқланган.

Бироқ, сўнгги 3-босқич тадқиқоти Еxclaim-2 ўпка саратонини даволашда онкологик препаратнинг афзалликларини тасдиқламади. Тадқиқот давомида беморларда Exkivity монотерапиясини стандарт платина асосидаги кимётерапия билан таққослади. Оралиқ таҳлил маълумотлари асосида синов муваффақиятсиз деб топилди ва эрта тўхтатилди.

Япон ишлаб чиқарувчиси Европа Иттифоқи ва AҚШда маркетинг рухсатномасини олиш учун аризаларни қайтариб олади, шунингдек, препаратни рухсат этилган ҳар бир давлатдан ихтиёрий равишда қайтариб олишни бошлаш ниятида.