Takeda Pharmaceutical kompaniyasi o'pka saratoniga qarshi Exkivity (mobosertinib) preparatini ixtiyoriy ravishda bekor qilishini aytdi. 

Exkivity mutatsiyaga ega bo'lgan va kimyoterapiya paytida yoki undan keyin kasallikning kuchayishi bo'lgan o`pka saratoniga duchor bo`lgan bemorlari kogortasida foydalanish uchun mo`ljallangan. Regulyator klinik sinovlarning erta va o'rta bosqichlari natijalariga ko'ra ijobiy qaror qabul qilgan va 2021 yilda ushbu preparat tezlashtirilgan FDA ruxsatini olgan edi.

Qo'shma Shtatlardan tashqari, Exkivity bir qancha boshqa mamlakatlarda ham tasdiqlangan. Biroq, so'nggi 3-bosqich tadqiqoti Exclaim-2 o'pka saratonini davolashda onkologik preparatning afzalliklarini tasdiqlamadi.

Tadqiqot davomida bemorlarda Exkivity monoterapiyasini standart platina asosidagi kimyoterapiya bilan taqqosladi. Oraliq tahlil ma'lumotlari asosida sinov muvaffaqiyatsiz deb topildi va erta to'xtatildi.

Yapon ishlab chiqaruvchisi Yevropa Ittifoqi va AQShda marketing ruxsatnomasini olish uchun arizalarni qaytarib oladi, shuningdek, preparatni ruxsat etilgan har bir davlatdan ixtiyoriy ravishda qaytarib olishni boshlash niyatida.