Дунёда 15 ёшдан 49 ёшгача бўлган деярли 850 миллион киши асосан жинсий алоқа орқали юқадиган герпес шаклларини ташувчиси ҳисобланади. Бу ҳақда олимларнинг тадқиқотига таяниб, “ТAСС” ёзмоқда.

Шифокорлар томонидан ўтказилган таҳлил шуни кўрсатдики, 376 миллион киши HSV-1 герпес вируси ташувчиси, 519 миллион киши эса HSV-2 ташувчиси. 204 миллионга яқин одам ҳар йили камида бир марта инфекцияни бошдан кечиради.

Шу билан бирга, ҳар йили 16,8 миллион киши HSV-1 герпес вируси билан касалланган ва 25,6 миллион киши HSV-2 вируси билан касалланган, дейилади тадқиқотда.

Мутахассисларнинг фикрига кўра, герпес вирусининг ушбу шакллари тарқалишининг олдини олишга қаратилган вакцина ва дастурларни ишлаб чиқишга шошилинч эҳтиёж бор.

Бу йил Швециянинг Уппсала университети олимлари оддий герпес вируси билан касалланган одамларда ҳеч қачон вирус билан касалланмаганларга қараганда икки баравар кўп деменсия ривожланишини аниқладилар.

Вирус Aлцгеймер касаллигини ривожланиш хавфини ошириши мумкин, чунки унинг парчалари танада умр бўйи қолади.

Уларнинг мияга тушиб, деменция учун характерли бўлган бета-амилоид ва тау оқсиллари пилакчаларини ҳосил қилишига олиб келиши ҳақида баъзи далиллар бор.