Жаҳон соғлиқлиқни сақлаш ташкилоти берган маълумотларга кўра, ҳавонинг ифлосланиши инсон саломатлиги учун энг жиддий экологик таҳдидлардан биридир. Aтмосфера ифлосланишини камайтириш чораларини кўриш орқали мамлакатлар инсульт, юрак-қон томир касалликлари, ўпка саратони ва сурункали ёки ўткир респиратор касалликлар, жумладан, астма каби касалликларнинг юкини камайтириши мумкин.

2019 йилда дунё аҳолисининг 99 фоизи ҳавонинг ифлосланиш даражаси ЖССТ ҳаво сифати кўрсатмаларидан ошиб кетган ҳудудларда яшаган.

Ташқи ва ёпиқ ҳавонинг ифлосланишининг биргаликдаги таъсири йилига 6,7 ​​миллион кишининг бевақт ўлимига олиб келади.

Ҳисоб-китобларга кўра, 2019 йилда атроф-муҳит ҳавосининг ифлосланиши бутун дунё бўйлаб 4,2 миллион эрта ўлимга олиб келди: бу ўлим юрак-қон томир, нафас олиш ва саратон касалликларининг ривожланишига олиб келадиган майда заррачалар таъсирига боғлиқ.

ЖССТ ҳисоб-китобларига кўра, 2019-йилда ҳаво ифлосланиши туфайли эрта ўлим ҳолатларининг қарийб 68 фоизи юрак-қон томир касалликлари ва инсульт, 14 фоизи сурункали обструктив ўпка касаллиги, 14 фоизи қуйи нафас йўлларининг ўткир инфекциялари ва 4% - ўпка саратони натижасида.

Aтмосфера ифлосланишининг асосий манбаларининг таъсирини экологик тоза транспорт турларини ривожлантиришни рағбатлантириш, биноларнинг энергия самарадорлигини ошириш, электр энергиясини ва саноат ишлаб чиқаришни, шунингдек,маиший чиқиндиларни утилизация қилиш тизимини такомиллаштиришни тарғиб қилувчи сиёсат ва инвестициялар орқали камайтириш мумкин.

Ушбу эрта ўлимларнинг қарийб 89 фоизи паст ёки ўрта даромадли мамлакатларда, биринчи навбатда ЖССТнинг Жануби-Шарқий Осиё ва Ғарбий Тинч океани минтақаларида содир бўлган.