Ўзбекистонлик аёл дунёнинг “100 аёли” рўйхатига кирди
Ўзбекистонлик Дилором Йўлдошева 2024 йилги дунёнинг “100 аёли” рўйхатидан ўрин олди. BBC дунёнинг илҳомлантирувчи ва таъсирга эга 100 нафар аёллари рўйхатини тақдим этди.
Улар орасида Тинчлик учун Нобель мукофоти совриндори Надия Мурад, зўрлаш қурбони ва фаол Жизел Пелико, актриса Шерон Стоун, олимпия спортчилари Ребека Андраде ва Эллисон Феликс, қўшиқчи Ре, рассом Трейси Эмин, иқлим ўзгариши фаоли Аденике Оладосу ва ёзувчи Кристина Ривера Гарзалар ҳам бор.
Дилором Йўлдошева 2022 йил ҳосил йиғими пайтида юз берган бахтсиз ҳодиса оқибатида иккала оёғидан айрилган. Бироқ бу фожиа уни тушкунликка туширмади. У янги кўникмаларни ўрганиш ва ёш ўзбек аёлларига даромад топишда ёрдам беришни истади. Шу сабабли Йўлдошева ўзининг тикувчилик корхонасини очишга қарор қилди.
У тадбиркорлик ва ресурсларни бошқариш асосларини ўрганиб, 40 дан ортиқ аёлга тикувчилик ҳунарини ўргатди. Бир неча ойда унинг корхонаси сезиларли даражада кенгайди. Йўлдошева ишчилар ва мактаб ўқувчилари учун форма тикиш бўйича шартномалар имзолади. Ўшандан буён унинг бизнеси нафақат ўзи, балки ўнлаб бошқа аёллар учун ҳам даромад манбайига айланди.
«100 аёл» қандай танланди?
Ҳар йили BBC’нинг «100 аёл» лойиҳаси дунё бўйлаб иши ва ҳаёти илҳомлантирадиган 100 нафар аёлнинг номларини эълон қилади. Барча аёллар исмлари рўйхатдан жой олишига розилик беради.
Номзодлар жорий йилдаги лойиҳанинг умумий мавзусига мослиги бўйича ҳам баҳоланди. Асосий тушунча сифатида «бардошлилик» сўзини танладик. Эътироф этамизки, бу йил бутун дунё бўйлаб кўплаб аёллар учун жуда қийин бўлди. Шу боис ўз бардошлилиги туфайли хоҳ ўз атрофидаги, хоҳ глобал миқёсда бўлсин, ўзгаришлар ва ҳаётни яхшилашга бор кучи билан интилаётганларни танлаб олишга ҳаракат қилдик, дейди BBC жамоаси.
- 3 Декабрь, 17:16
-
Батафсил
