Oʼzbekiston Respublikasining "Soliq va byudjet siyosatining 2024-yilga moʼljallangan asosiy yoʼnalishlari qabul qilinganligi munosabati bilan Oʼzbekiston Respublikasining ayrim qonun hujjatlariga oʼzgartirish va qoʼshimchalar kiritish toʼgʼrisida"gi Qonuniga koʼra, qoʼshilgan qiymat soligʼi (QQS) boʼyicha ayrim imtiyozlar bekor qilindi.

2024-yil, 1-apreldan boshlab, quyidagilar boʼyicha savdo aylanmasi QQSga tortiladi:

– tibbiy xizmatlar;
– veterinariya xizmatlari;
– dori vositalari;
– veterinariya dori vositalari, tibbiyot va veterinariya uchun moʼljallangan buyumlar.

Shuningdek, Oʼzbekiston Respublikasi hududiga olib kirishda quyidagilar QQSga tortiladi:

– dori vositalari,
– veterinariya dori vositalari,
– tibbiyot va veterinariya uchun moʼljallangan buyumlar,
– shuningdek dori vositalarini, veterinariya dori vositalarini, tibbiyot va veterinariya uchun moʼljallangan buyumlarni ishlab chiqarish uchun qonunchilikda belgilanadigan roʼyxat boʼyicha olib kiriladigan xomashyo.