Yozda sayohat qilish - ajoyib g‘oya. Biroq jarohatlanish va kasallanish xavfini unutmaslik lozim.

Quyosh ta’sirida kuyish dam olishdagi eng ko‘p uchraydigan muammolardan biri hisoblanadi. Ultrabinafsha nurlarning haddan ziyod ta’siri terining qizarishi, qichishi, po‘st tashlashi, pufakchalar paydo bo‘lishi, holsizlik va bosh og‘rig‘iga olib kelishi mumkin.

Himoyalanish uchun och rangli teri uchun SPF 50 va to‘q rangli teri uchun SPF 25-30 quyoshdan himoyalovchi kremdan foydalanish zarur. Agar uni quyoshga chiqishdan 5-20 daqiqa oldin va har ikki soatda surtsa, quyoshda kuyishdan saqlanish mumkin. Kremni cho‘milgandan keyin ham surtish kerakligini yodda tutish lozim. Kremni allergiyaga tekshirib ko‘rish muhim ahamiyatga ega.

Och rangli tabiiy matolardan tikilgan kiyimlar tananing qizib ketishi va kuyish xavfini kamaytiradi.

Dori qutisiga oshqozon buzilishlariga qarshi vositalar (sorbentlar, ich ketish va qusishga qarshi dorilar), burun bitishiga qarshi tomchilar, yo‘tal va ko‘z yallig‘lanishiga qarshi vositalar, isitma tushiruvchi va og‘riq qoldiruvchi dorilar, bosh aylanishiga qarshi va allergiyaga qarshi vositalarni solish lozim.

Agar ich ketishga qarshi vosita 38 °C dan yuqori haroratda uch kundan ortiq ta’sir qilmasa, albatta shifokorga murojaat qilish zarur.

Surunkali kasalliklar, masalan, allergiya mavjud bo‘lsa, zarur dori-darmonlarni olishni unutmaslik muhim. Jarohatlar uchun antiseptik, bint, paxta, yod va leykoplastir kerak bo‘ladi. Kichik qaychini ham esdan chiqarmaslik lozim.