Massachusets umumiy gospitali (AQSH) mutaxassislari operatsiyalar davomida sunʼiy intellektning afzalliklari haqida tadqiqot o'tkazishdi. Tadqiqot Anesthesia & Analgesia jurnalida chop etildi.

Mutaxassislarning soʻzlariga koʻra, shifokorlar operatsiya vaqtida dorilarni tanlash va buyurishda ayrim xatoliklarga yoʻl qoʻyishadi. Sunʼiy intellekt modellari shifokorlar harakatlarini tahlil qilish va xatolarning oldini olishga qodir.

Tadqiqot 2020-yil avgustidan 2022-yil avgustigacha boʻlgan davrda jarrohlik muolajalari davomida anesteziologlar tomonidan hujjatlashtirilgan dorilar bilan bogʻliq xavfsizlik hisobotlarini oʻrganib chiqdi. Ikki mustaqil sharhlovchi har bir xatoni vaqt va turga qarab tasnifladi. Natijada shifokorlar dori-darmonlarni qabul qilishda 80 ta xatosini aniqladi va ularning 76 tasini yoki umumiy miqdorning 95 foizini oldini olish mumkinligini aniqladilar.

Olimlar shifokorlarning harakatlarini nazorat qiladigan va shifokorlarni sugʻurta qiladigan sunʼiy intellekt modellarini joriy etish va ulardan foydalanishni maslahat berishdi.

"Klinik qarorlarni qoʻllab-quvvatlash operatsiya xonalarida tibbiy yordamning samaradorligi va sifatini yaxshilasa-da, u hali amalga oshirishning dastlabki bosqichida", dedi tadqiqot mualliflari.