Массачусетс умумий госпитали (AҚШ) мутахассислари операциялар давомида сунъий интеллектнинг афзалликлари ҳақида тадқиқот ўтказишди. Тадқиқот Anesthesia & Analgesia журналида чоп этилди.

Мутахассисларнинг сўзларига кўра, шифокорлар операция вақтида дориларни танлаш ва буюришда айрим хатоликларга йўл қўйишади. Сунъий интеллект моделлари шифокорлар ҳаракатларини таҳлил қилиш ва хатоларнинг олдини олишга қодир.

Тадқиқот 2020-йил августидан 2022-йил августигача бўлган даврда жарроҳлик муолажалари давомида анестезиологлар томонидан ҳужжатлаштирилган дорилар билан боғлиқ хавфсизлик ҳисоботларини ўрганиб чиқди. Икки мустақил шарҳловчи ҳар бир хатони вақт ва турга қараб таснифлади. Натижада шифокорлар дори-дармонларни қабул қилишда 80 та хатосини аниқлади ва уларнинг 76 тасини ёки умумий миқдорнинг 95 фоизини олдини олиш мумкинлигини аниқладилар.

Олимлар шифокорларнинг ҳаракатларини назорат қиладиган ва шифокорларни суғурта қиладиган сунъий интеллект моделларини жорий этиш ва улардан фойдаланишни маслаҳат беришди.

"Клиник қарорларни қўллаб-қувватлаш операция хоналарида тиббий ёрдамнинг самарадорлиги ва сифатини яхшиласа-да, у ҳали амалга оширишнинг дастлабки босқичида", деди тадқиқот муаллифлари.