Daniya kardiologlari antidepressantlarni qabul qilish, ayniqsa, 40 yoshgacha boʻlgan odamlarda yurakning toʻsatdan toʻxtab qolish xavfini sezilarli darajada oshirishi mumkinligini aniqladilar. 

Mamlakat boʻylab oʻlimga oid maʼlumotlar tahlil qilinganda, tadqiqot tashvishli natijani qayd etdi: odam bu dorilarni qancha uzoq qabul qilsa, ogohlantiruvchi alomatlarsiz yurak toʻxtash xavfi shunchalik yuqori boʻladi.

Bir yildan besh yilgacha antidepressantlarni qabul qilish toʻsatdan yurak toʻxtashi xavfini oʻrtacha 56 foizga oshirgan. Biroq, 30-39 yoshdagi odamlarda qisqa muddatli foydalanish bunday natija ehtimolini uch baravarga va besh yildan ortiq foydalanish xavfni besh baravarga oshirgan.

Toʻsatdan yurak oʻlimi- yurak yetishmovchiligining birinchi belgilaridan keyin yoki umuman alomatlarsiz bir necha soat ichida sodir boʻladi. Buning sababi miokardning elektr faolligidagi buzilishlar yoki qon tomir patologiyalari boʻlishi mumkin.

Olimlarning taʼkidlashicha, olingan maʼlumotlar davolanishdan bosh tortishni anglatmaydi, balki antidepressantlarni, ayniqsa yosh bemorlarda uzoq muddatli qoʻllashning foydalari va xavflarini sinchkovlik bilan oʻrganishni talab qiladi.